Mae Heddlu Dyfed Powys wedi cyhuddo dyn 45 oed o Gaint am achosi marwolaeth drwy yrru yn beryglus.
Yn ystod llifogydd ym Mhowys y llynedd bu farw merch ifanc 17 oed.
Fe wnaeth y cerbyd gyriant pedair olwyn yr oedd Louise Ferreira yn teithio ynddo droi drosodd a syrthio i mewn i afon oedd wedi ymestyn ei glannau ger Llyn Brianne ar Fedi 5 2008.
Fe fydd y dyn yn ymddangos o flaen ynadon Llandrindod ar Ragfyr 2.
Aed â Louise, oedd yn dod o Thamesmead, de Llundain, i Ysbyty Bronglais, Aberystwyth, yn hofrennydd yr Awyrlu.
Roedd hi'n teithio gyda chriw oddi ar y brif ffordd tra ar wyliau i ddathlu canlyniadau "gwych" ei harholiadau.
Bu'n rhaid i ddyn oedd yn y cerbyd gerdded sawl milltir i fferm er mwyn galw'r gwasanaethau brys.