Mae ymchwiliad ar y gweill i achos tân mewn ysgol yn Llanelli.
Cafodd y gwasanaeth tân eu galw i Ysgol Gyfun Coedcae am 10.51pm ddydd Iau wedi i dân ddechrau yn yr adeilad technoleg.
Dywedodd y prifathro Pete Spencer: "Roedd y difrod mewn dwy stafell ddosbarth allan o bump ond does dim modd mynd i mewn i'r adeilad i gyd.
"Fydd y tân ddim yn effeithio ar waith yr ysgol. Mae ysbryd cymunedol gwych yng Nghoedcae.
"Rydyn ni'n benderfynol y bydd gwaith yr ysgol yn para fel arfer."
Roedd disgyblion i fod i aros gartre ddydd Gwener oherwydd diwrnod o hyfforddiant i athrawon.
Aeth criwiau o Lanelli, Gorseinon, Y Tymbl, Treforys a Chydweli i ddelio â'r tân.
CYSYLLTIADAU RHYNGRWYD:
Heddlu Dyfed-Powys
Gwasanaeth Tân ac Achub Canolbarth a Gorllewin Cymru
Dyw'r BBC ddim yn gyfrifol am gynnwys safleoedd rhyngrwyd allanol