Mae ymgyrchwyr yn erbyn symud hen safle gwastraff llechi yn Nyffryn Nantlle wedi dweud eu bod wedi ennill y frwydr.
Roedd trigolion Tal-y-sarn ger Pen-y-groes wedi honni bod y safle 3.7 erw, Hen Domen, yn gartref i fywyd gwyllt, gan gynnwys llyffantod.
Mae caniatâd cynllunio wedi cael ei wrthod.
Roedd y trigolion wedi dadlau nad oedd y safle'n addas i godi tai arno.
Dywedodd Cyngor Gwynedd, oedd eisiau defnyddio'r safle llechi i greu tomen arall, y bydden nhw'n "ystyried ffynonellau eraill".
"Rydan ni'n hapus iawn," meddai cadeirydd Achub Gloddfa Glai, Allan Brotheridge.
"Mi aeth 20 ohonon ni i gyfarfod y cyngor ac ni enillon ni wedi dadl danbaid."
Gwrthod
Dywedodd y cyngor fod Pwyllgor Cynllunio Arfon wedi gwrthod cais i symud hen domen wastraff.
Cafodd caniatâd ei wrthod yn achos bwriad i drefnu mynediad i gerbydau oedd i fod i gludo deunydd er mwyn adfer safle tirlenwi Cilgwyn.
Hefyd cafodd caniatâd ei wrthod o ran rhyddhau'r tir i bwrpas datblygu.
"Fe fydd y cyngor yn ystyried ffynonellau eraill o wastraff llechi cyn y bydd y gwaith capio'n dechrau yng Nghilgwyn," meddai'r cyngor.
CYSYLLTIADAU RHYNGRWYD:
Cyngor Gwynedd
Adnabod ardal: Dyffryn Nantlle
Dyw'r BBC ddim yn gyfrifol am gynnwys safleoedd rhyngrwyd allanol