British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 21 Medi 2011, 16:01 GMT 17:01 UK
Crwner Sir Gaerfyrddin yn ymddiswyddo

John Owen
Ymddiswyddodd John Owen ddydd Mercher

Mae crwner Sir Gaerfyrddin, John Owen, wedi ymddiswyddo.

Daw hyn ar ôl iddi ddod i'r amlwg bod ei dystysgrif fel cyfreithiwr wedi cael ei hatal dros dro gan yr awdurdod sy'n rheoleiddio cyfreithwyr.

Mae'r awdurdod wedi dweud eu bod nhw'n cynnal ymchwiliad i'w bractis yn Llandeilo.

Mae ei ddirprwy Pauline Mainwaring nawr yn gwneud ei waith yn ei le.

Ymyrryd

Dywed yr awdurdod eu bod nhw wedi ymyrryd yn swyddfa Mr Owen yn Llandeilo.

Dywedodd llefarydd fod y dystysgrif wedi cael ei thynnu'n ôl tra bod ymchwiliad yn cael ei gynnal.

"Mae Mr Paul Caldicott o gwmni Morgan Cole, Abertawe, wedi cael ei benodi ar ran y corff rheoleiddio," meddai'r llefarydd.

Dywedodd llefarydd ar ran Swyddfa Cwynion Cyfreithiol - yr OJC: "Mae'r OJC yn ymwybodol o'r sefyllfa a dyw'r Crwner Owen ddim yn eistedd."

Mae'r cwestau oedd fod i'w' clywed ar Fedi 23 wedi eu gohirio.

Dywedodd llefarydd ar ran Cyngor Sir Gâr y byddai Pauline Mainwaring yn gwneud gwaith y crwner tan iddynt benodi crwner newydd.




Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific