British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Sul, 11 Medi 2011, 10:23 GMT 11:23 UK
Cymru 16-17 De Affrica

Shane Williams yn ymosod yn erbyn De Affrica
Shane Williams yn ymosod yn erbyn De Affrica

Colli o drwch blewyn wnaeth Cymru yn erbyn pencampwyr y byd De Affrica yn eu gêm agoriadol yng nghystadleuaeth Cwpan y Byd.

De Affrica oedd yn fuddugol 17-16.

Daeth Cymru yn agos i fuddugoliaeth gyda James Hook yn methu cig gosb yn y 72 munud.

Ar ôl dechrau siomedig, aeth Cymru ar y blaen 16-10 yn yr ail hanner gyda Faletau yn croesi'r llinell.

Ond wrth iddi ymddangos bod Cymru ar fin dathlu buddugoliaeth wych fe groesodd yr asgellwr Hougaard dan y pyst, ac fe lwydodd Morne Steyn gyda'r gic.

Er gwaetha'r perfformiad da dros 80 munud dechreuad sigledig gafodd Cymru.

Ar ôl i Dde Affrica sicrhau'r bêl o gic Priestland daeth y bêl i Frans Steyn.

Ymdrechion

Er gwaethaf ymdrechion Shane Williams a Hook, llwyddodd i groesi'r llinelli.

Ar ôl hynny daeth Cymru yn ôl i'r gêm gyda Hook yn llwyddiannus gyda thair cic gosb.

Er iddynt bwyso ar ddiwedd y gêm methodd Priestland gyda gôl adlam, cyn cynnig aflwyddiannus Hook.

Ar ôl y gêm dywedodd hyfforddwr Cymru Warren Gatland ei fod yn falch o'i chwaraewyr a'u hymdrechion

"Fe wnaethom bopeth heblaw ennill y gêm. Mae'n rhaid i chi fanteisio ar bob cyfle," meddai.

"D'oedd y dechrau ddim yn un da ond, ar ôl hynny, ni oedd yn rheoli'r meddiant ac yn chwarae rygbi gwych.

"Er bod yna gyfle i ennill yn y diwedd rhaid dweud nad oeddem yn ddigon da i wneud hynny."

Canlyniadau:

Grwp A: Seland Newydd 41-10 Tonga, Ffrainc 47-21 Japan

Grwp B: Y Alban 34-24 Rwmania, Lloegr 13-9 Ariannin

Grwp C: Iwerddon 22-10 Unol Daleithiau

Grwp D: Cymru 16-17 De Affrica, Fiji 49-21 Namibia




Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific