Angladd dyn wedi damwain môr

Cred yr heddlu fod Callum wedi mynd i drafferthion wrth nofio ar Awst 24

Mae angladd dyn 22 oed a fu farw ger Ynys Môn wedi cael ei gynnal ddydd Sadwrn.

Aeth Callum Mackay a'i gyfaill Lewis Darroch i drafferthion ger creigiau yn ymyl Rhosneigr y mis diwethaf.

Cred yr heddlu fod Callum wedi mynd i drafferthion wrth nofio ar Awst 24 a bod ei gyfaill wedi neidio i'r dŵr i geisio'i gynorthwyo.

Llwyddodd hofrennydd y Llu Awyr i dynnu Lewis Darroch o'r môr, ond bu farw yn yr ysbyty yn ddiweddarach.

Wedi deuddydd o chwilio gan yr heddlu, gwylwyr y glannau a badau achub, rhoddwyd y gorau i chwilio am Callum Mackay, ond cafodd ei gorff ei ddarganfod ger Rhosneigr wythnos yn ddiweddarach.

Cafodd yr angladd ei gynnal yn Llanfairpwll ar Ynys Môn am 2:00pm ddydd Sadwrn.