British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 6 Medi 2011, 09:41 GMT 10:41 UK
Rygbi: Anafiadau i'r ddau dīm

Stephen Jones
Mae 'na amheuaeth am ffitrwydd y maswr Stephen Jones

Mae Cymru a De Affrica yn wynebu problemau ffitrwydd ar gyfer eu gêm gyntaf yng nghystadleuaeth Cwpan Rygbi'r Byd yn Wellington, Seland Newydd ddydd Sul.

Aros i glywed y mae Warren Gatland am gyflwr y maswr Stephen Jones a'r blaenwr Ryan Jones cyn enwi'r tîm i wynebu'r Sprinkboks.

Eisoes mae Gatland yn gwybod na fydd y prop Gethin Jenkins ar gael.

Dydd Mawrth dywedodd hyfforddwr De Affrica, Peter de Villiers, ei fod hefyd yn oedi am 24 awr cyn enwi ei dîm oherwydd anafiadau.

Mae 'na bosibilrwydd y bydd y clo profiadol Bakkies Botha allan gydag anaf i'w droed.

Pe na bai Botha ar gael, yna mae disgwyl i Danie Rusoow gymryd ei le pan fydd de Villiers yn enwi ei dîm ddydd Gwener.

Mae Cymru a De Affrica yn wynebu ei gilydd yng ngêm gyntaf Grŵp D, grŵp sydd hefyd yn cynnwys Fiji, Samoa a Namibia.



HEFYD
100fed cap i Stephen Jones
04 Meh 11 |  Newyddion
Enwi Warburton yn gapten
22 Awst 11 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific