British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 6 Medi 2011, 06:09 GMT 07:09 UK
Technoleg fodern i daclo achosion llosgi bwriadol

Injan dân (cyffredinol)
Yn ôl yr uned, mae cyswllt rhwng ymosodiadau llosgi bwriadol a thrais domestig.

Bydd yr app iPhone cyntaf gan wasanaeth tân ac achub yn cael ei gyhoeddi gan Wasanaeth Tân ac Achub De Cymru.

Yr app dwyieithog yw'r cyntaf o'i fath i gael ei ddatblygu gan wasanaeth tân yn y Deyrnas Unedig.

Y nod yw rhoi'r cyfle i bobl â phryderon ynglŷn â llosgi bwriadol a thrais domestig gael gafael ar wybodaeth berthnasol a chysylltu'n ddienw am droseddwyr.

Bob blwyddyn mae Gwasanaeth Tân ac Achub De Cymru yn cael eu galw i tua 9,566 o achosion o losgi bwriadol sy'n costio £52,804.32 y flwyddyn i drethdalwyr.

'Arloesol'

Dywedodd Cadeirydd Awdurdod Tân ac Achub De Cymru, Y Cynghorydd Anthony Ernest, ac Andy Marles, Prif Swyddog Tân Gwasanaeth Tân ac Achub De Cymru, eu bod yn falch mai Gwasanaeth Tân ac Achub De Cymru yw'r un cyntaf i ddatblygu'r adnodd technoleg sy'n ddwyieithog.

iPhone
Mae'r app ar gael yn rhad ac am ddim

"Mae'n rhoi cyfle i'n cymunedau ddod o hyd i help a gwybodaeth mewn modd arloesol, enghraifft arall o sut mae'r gwasanaeth yn parhau i gwrdd â gofynion y cyhoedd yn y ganrif hon."

Mae Uned Troseddau Tân y gwasanaeth tân yn darganfod beth yw achosion llosgi bwriadol, lle y gall y math yma o danau ddigwydd, a helpu'r heddlu wrth iddyn nhw arestio troseddwyr.

Yn ôl yr uned, mae wedi dod yn fwy amlwg fod cyswllt rhwng ymosodiadau llosgi bwriadol a thrais domestig.

Mae'r uned yn gweithio'n agos iawn gydag asiantaethau partner i dargedu grwpiau penodol (Dioddefwyr Troseddau Casineb a Thrais Domestig) sydd â risg uwch o danau bwriadol a damweiniol er mwyn gwneud iddyn nhw deimlo'n fwy diogel yn eu cartrefi.

'Yn rhad ac am ddim'

Dywedodd Mick Flanagan, Rheolwr Grŵp Archwilio Tân a Throseddau Tân, Gwasanaeth Tân ac Achub De Cymru: "Mae hwn yn app iPhone dwyieithog, unigryw ymhlith gwasanaethau tân ac achub y DU.

"Gall unrhyw un sydd â phryderon ynglŷn â llosgi bwriadol a thrais domestig yn ardal De Cymru lawrlwytho'r ap yn rhad ac am ddim er mwyn cael gafael ar wybodaeth a chysylltu yn ddienw am droseddwyr."

Gellir lawrlwytho'r app, Uned Troseddau Tân De Cymru, yn rhad ac am ddim.



HEFYD
Trafod toriadau £1m i wasanaeth tân
09 Chwef 11 |  Newyddion
£1.4m i'r gwasanaeth tân
08 Ion 11 |  Newyddion
Newid i wasanaeth tân y gogledd
18 Hyd 10 |  Newyddion
Toriadau: 'Llai o ddiffoddwyr'
24 Medi 10 |  Newyddion
Pleidlais strecio i ddiffoddwyr
23 Gorff 10 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific