British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Gwener, 26 Awst 2011, 06:20 GMT 07:20 UK
Chwarelwyr: Anghydfod cyflog

Chwarel lechi
Mae'r cwmni yn cyflogi 221 o weithwyr.

Mae chwarelwyr llechi wedi pleidleisio o blaid gweithredu yn ddiwydiannol mewn anghydfod cyflog.

Cyflogir 211 o weithwyr gan gwmni Welsh Slate mewn pedair chwarel yn y gogledd.

Mae undeb Unite yn cynrychioli 164 o'r gweithwyr.

Dywedodd llefarydd fod 81% wedi pleidleisio o blaid gweithredu.

Dywed y cwmni fod cyflogau'r gweithwyr, gan gynnwys tal bonws, wedi cynyddu 12% ers i'r perchnogion presennol brynu'r cwmni am £31m yn 2007.

Y pedair chwarel yw Penrhyn (Bethesda) , Blaenau Ffestiniog, Pen yr Orsedd a Cwt-y-Bugail.

Yn gynharach y mis hwn cyhoeddodd y cwmni eu bod yn allforio mwy o'u cynnyrch nag erioed.

Datganodd y cwmni eu bod nhw'n allforio 40% o'u cynnyrch llechi to dros y môr.

Dywedodd Alan Smith, Rheolwr Gyfarwyddwr Welsh Slate mai dyma'r canlyniad allforio gorau am o leia' 50 mlynedd.

Ymysg y prosiectau adnewyddu sy'n defnyddio llechi'r cwmni yw Ayers House yn Adeilade ac Amgueddfa'r Crynwyr yn Boston, Massachusetts.




Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific