British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Gwener, 12 Awst 2011, 11:02 GMT 12:02 UK
Tafarn 200 oed i ail-agor ym MhenarlÔg

Tafarn y Glynne Arms
Bydd y dafarn hanesyddol yn ail-agor yn 2012

Mae tafarn hanesyddol ym mhentref Penarlâg yn mynd i ail-agor yn 2012.

Mae'r Glynne Arms, sydd yng nghanol y pentref yn Sir y Fflint, yn cael ei ailwampio ar hyn o bryd ar ôl cau yn 2010.

Roedd y dafarn unwaith yn eiddo i deulu Gladstone tan y 1970au cyn iddo gael ei reoli gan gyfres o fragdai tan 2010.

Yn awr mae Charlie a Caroline Gladstone, sydd hefyd yn rhedeg siop fferm stad Penarlâg, yn datblygu'r dafarn unwaith eto.

Mae llyfr gan y Parch TW Pritchard, 'A history of the old parish of Hawarden', yn rhoi ychydig o hanes y dafarn.

Mae'n dweud bod y dafarn gael ei hadeiladu'n gynnar yn y 19eg Ganrif ac iddi ddod yn rhan o fywyd y pentref.

Yr wythnos yma darganfuwyd trawst sy'n dyddio'r dafarn yn ôl i 1812.

Dywedodd Charlie Gladstone: "Dwi'n siwr y bydd trigolion Penarlâg yn croesawu ail-agor y Glynne."

Yn ogystal ag ail-agor y dafarn, bydd llyfr y Parch TW Pritchard hefyd yn cael ei ail-brintio yn 2012.




Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific