British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 9 Awst 2011, 07:10 GMT 08:10 UK
Comedi'n ailagor Theatr Colwyn

Terry Jones
Terry Jones, sy'n noddwr i'r theatr, fydd yn ailagor yr adeilad yn swyddogol

Fe fydd 'na ddigwyddiad arbennig i nodi ail agor Theatr Colwyn yn swyddogol.

Terry Jones, un o sêr Monty Python a gŵr lleol, fydd yn arwain y noson ym mis Hydref ar ôl i'r theatr ailagor ym mis Medi.

Cyn dangos The Holy Grail gan Monty Python, fe fydd y comedïwr Phil Jupitus yn cyfweld Jones.

Cafodd yr adeilad ei adnewyddu ar ôl i'r theatr dderbyn grant o £750,000.

Ymhlith y gwaith sydd wedi ei wneud y mae swyddfa docynnau newydd ac ystafell gymunedol newydd.

Mae arian wedi cael ei wario hefyd ar y bar, swyddfeydd a mynedfa i bobl anabl ar bob llawr.

Roedd disgwyl i'r theatr ailagor yn y gwanwyn ond bu'n rhaid gohirio ar ôl problemau strwythurol.

Comedi

"Fe fydd rhaglen newydd y theatr yn cychwyn ganol mis Medi," meddai llefarydd.

"Fe fydd Terry Jones, sy'n noddwr i'r theatr, yn agor y theatr yn swyddogol ar Hydref 15.

"Prynhawn Monty Python arbennig fydd gennym ni mewn cydweithrediad â Gŵyl Gomedi Hosbis Dewi Sant."

Ar Fedi 14 y bydd y cynhyrchiad cyntaf yn cychwyn, Godspell.

Honnir mai yn yr adeilad y mae'r sinema weithredol hynaf yn y DU.



HEFYD
Ailagor Theatr Colwyn
11 Hyd 10 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific