British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Sul, 31 Gorffennaf 2011, 14:27 GMT 15:27 UK
Marwolaeth: Cannoedd o deyrngedau

Plentyn yn gosod blodau ar gae yng Nghaersws
Mae pobl wedi gadael teyrngedau ar dudalen Facebook

Mae cannoedd o bobl wedi talu teyrnged i fachgen 12 oed o Bowys a fu farw ar ôl iddo gael ei fwrw gan ffram gôl wrth chwarae pêl-droed.

Mae pobl wedi gadael teyrngedau ar dudalen Facebook a gafodd ei chreu ar gyfer Casey Breese, oedd yn ddisgybl yn Ysgol Uwchradd Y Drenewydd.

Mae nifer o berthnasau a ffrindiau Casey eisoes wedi gadael negeseuon ar y dudalen.

Dywed yr heddlu fod Casey yn chwarae pêl-droed gyda bechgyn lleol ar gae chwarae yng Nghaersws ddydd Gwener pan gwympodd y pyst arno.

Dywedodd llefarydd ar ran Heddlu Dyfed-Powys fod y pyst gôl yn cael eu harchwilio wedi "marwolaeth drist".

Ychwanegodd y llefarydd nad oedd amgylchiadau amheus ynglŷn â'r farwolaeth.

Cymorth

Aeth hofrennydd ambiwlans awyr â Casey i Ysbyty Brenhinol Yr Amwythig lle bu farw o'i anafiadau.

"Mae'r plant oedd yn chwarae ar y cae ar y pryd wedi eu heffeithio gan y digwyddiad a bydd heddwas sydd wedi'i hyfforddi'n arbennig yn siarad gyda'u teuluoedd," meddai llefarydd yr heddlu.

Crys pl droed
Gadawyd crys pl droed ar y cae er cof am Casey Breese Ddydd Sadwrn

Mae swyddog cyswllt yn rhoi cymorth i'r teuluoedd ac mae'r heddlu yn apelio am dystion i'r digwyddiad.

Dywedodd y Ditectif Arolygydd Ian Andrews fod yr heddlu yn cydweithio ag adran iechyd yr amgylchedd Cyngor Powys.

"Rydyn ni'n cydymdeimlo â'r teulu sydd wedi dioddef y colled arswydus yma."

Mae crwner Powys wedi ei hysbysu am y farwolaeth.

Cafodd gêm gyfeillgar rhwng Clwb Pêl-Droed Caersws a Chlwb Pêl-Droed Caerfyrddin ei chanslo ddydd Sadwrn fel arwydd o barch.

Dywedodd is-gadeirydd Clwb Pêl Droed Caerfyrddin, Robert Lloyd: "Cawsom gais yn hwyr yn y dydd ddoe wedi'r drychineb i ganslo'r gêm.

"Yn naturiol fe gytunon ni ac yn estyn ein cydymdeimlad dwysaf i bawb sydd wedi'u heffeithio."



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific