British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 27 Gorffennaf 2011, 18:17 GMT 19:17 UK
Llofruddiaeth mis ml: Dau ddyn yn euog

Ben a Catherine Mullany
Cafodd Ben a Catherine Mullany eu llofruddio ym mis Gorffennaf 2008

Mewn llys yn Antigua fe gafwyd dau ddyn - Avie Howell a Kaniel Martin - yn euog o ladd cwpl priod o Gymru oedd ar eu mis mêl yn y Caribî.

Fe gafodd Ben a Catherine Mullany eu saethu yn eu gwesty ar ynys Antigua yn 2008.

Roedd Kaniel Martin, 23 oed, ac Avie Howell, 20 oed, wedi gwadu eu llofruddio.

Bu'r rheithgor yn ystyried am 10 awr.

Cafwyd y ddau yn euog hefyd o lofruddio gweithiwr siop leol, Wometa Anderson.

Y barnwr, Mr Ustus Richard Floyd, fydd yn penderfynu dedfryd y ddau ddyn ar Fedi 26.

Y gosb eithaf

Mewn datganiad y tu allan i'r llys fe ddywedodd rhieni Mr a Mrs Mullany eu bod nhw'n "teimlo rhyddhad" wedi'r dyfarniad.

Avie Howell a Kaniel Martin
Avie Howell a Kaniel Martin ar l iddyn nhw gael clywed eu bod yn euog o lofruddio

Mae'r gosb eithaf yn dal yn rhan o system gyfreithiol Antigua ond does dim un carcharor wedi colli ei fywyd ers 20 mlynedd.

Fydd Howell ddim yn wynebu'r gosb eithaf am ei fod yn 17 oed pan laddodd Mr a Mrs Mullany.

Ond gallai Martin wynebu'r gosb eithaf am ei fod yn 20 oed pan laddodd y cwpl.

Dywedodd datganiad ar ran teuluoedd Mr a Mrs Mullany: "Does dim gorfoledd wedi'r dyfarniad heddiw dim ond y gollyngdod bod ein plant wedi cael cyfiawnder ar ôl tair blynedd.

"Rydyn ni'n gobeithio na fydd y ddau unigolyn hyn yn gorfodi unrhyw deulu arall i ddioddef yr un ing a dioddefaint rydyn ni wedi eu dioddef ...

"Fe fydd Ben a Cath yn ein calonnau am byth. Fe wnaethon nhw gyfoethogi ein bywydau bob dydd."

'Tystiolaeth'

Yn gynharach dywedodd y barnwr wrth y rheithgor yn Uchel Lys yr ynys y dylai'r dyfarniad fod "ar sail y dystiolaeth yn unig".

Ychwanegodd y barnwr na ddylai'r rheithgor gael eu dylanwadu gan "bwysau'r cyhoedd, rhagfarn, cydymdeimlad nac ofn".

Cafodd Mr a Mrs Mullany eu llofruddio ar ddiwrnod olaf eu mis mêl ar Orffennaf 27, 2008.

Bu farw Mrs Mullany - oedd newydd ennill cymwysterau i fod yn feddyg - yn syth.

Roedd ei gŵr yn astudio i fod yn ffisiotherapydd a bu farw wythnos yn ddiweddarach mewn ysbyty yng Nghymru.

Mae tua 90 tyst wedi rhoi tystiolaeth yn ystod yr achos, bob un ohonyn nhw wedi eu galw gan yr erlyniad.

Ni chynigiodd yr amddiffyniad dystiolaeth.



HEFYD
Argraffiadau gohebydd o Antigua
28 Gorff 11 |  Newyddion
Dau yn euog o lofruddio cwpl yn Antigua
28 Gorff 11 |  Newyddion
Effaith y llofruddiaeth ar y filltir sgwr
28 Gorff 11 |  Newyddion
Mullanys: Barnwr yn crynhoi achos
26 Gorff 11 |  Newyddion
Mullany: Heddlu'n 'ymyrryd'
25 Gorff 11 |  Newyddion
Mullanys: Recordio sgwrs ffn
22 Gorff 11 |  Newyddion
Mis ml: Erlyniad yn cloi
21 Gorff 11 |  Newyddion
Mullanys: Achos yn tynnu at ei derfyn
21 Gorff 11 |  Newyddion
Mullanys: Olion ar ddillad
13 Gorff 11 |  Newyddion
Priodferch wedi ei saethu unwaith
07 Gorff 11 |  Newyddion
Heddlu Antigua yn clustfeinio
30 Meh 11 |  Newyddion
'Modd agor clwyd heb allwedd'
22 Meh 11 |  Newyddion
Antigua: 'Cerdyn ffn wedi ei ddwyn'
16 Meh 11 |  Newyddion
Antigua: Holi swyddog diogelwch
08 Meh 11 |  Newyddion
Antigua: Disgrifiadau manwl
06 Meh 11 |  Newyddion
Mis ml: Tystiolaeth parafeddyg
02 Meh 11 |  Newyddion
Mis ml: Achos llys yn dechrau
01 Meh 11 |  Newyddion


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific