British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 20 Gorffennaf 2011, 11:51 GMT 12:51 UK
HSBC: Ymgyrch i achub cangen banc yn Llandysul

Llandysul
Caeodd cangen banc Lloyds yn Llandysul gynharach eleni

Mae ymgyrch wedi dechrau i geisio achub cangen banc HSBC yng Ngheredigion.

Eisoes mae pobl leol yn Llandysul wedi dechrau deiseb fel rhan o'r ymgyrch.

Mae'r cwmni bancio hefyd yn bwriadu cau cangen yn Llanrhaeadr-ym-Mochnant ym Mhowys.

Dywedodd y banc nad oedd yn ymarferol cadw cangen Llandysul ar agor am nad oedd digon o bobl yn ei defnyddio.

Mae'r broblem hon yn rhan o'r dirywiad mewn gwasanaethau gwledig sy'n cynnwys cau swyddfeydd post
Keith Evans

Ers 2009 mae'r cwmni wedi cau 11 cangen yng Nghymru.

Dywedodd llefarydd: "Mae gennym ni £100m i wario ar ddiweddaru a gwella ein rhwydwaith bob blwyddyn ac rydyn ni'n ceisio buddsoddi mewn banciau i gynyddu ein cwsmeriaid.

"Y cam olaf yw cau banciau."

'Siomedig'

Dywedodd Arweinydd Cyngor Ceredigion, Keith Evans, sydd hefyd yn ddyn busnes lleol, fod y penderfyniad i gau'r banc yn Llandysul y ei siomi.

"Rydw i wedi bod yn berchen ar gyfri banc yng nghangen HSBC Llandysul ers 40 mlynedd ac rwy'n siomedig iawn ei fod yn mynd i gau.

"Caeodd cangen Lloyds yn Llandysul rai misoedd yn ôl ac o ganlyniad fe drosglwyddodd llawer o bobl eu cyfri i HSBC.

"Mae'r broblem hon yn rhan o'r dirywiad mewn gwasanaethau gwledig sy'n cynnwys cau swyddfeydd post."



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific