Achos llofruddiaeth: Cyhuddo ffrind

Cafodd corff Rebecca Aylward ei ddarganfod mewn coedwig

Yn achos llofruddiaeth merch ysgol dywedodd bachgen 15 oed sydd wedi ei gyhuddo o'r drosedd iddo weld ei ffrind yn ei tharo gyda charreg.

Dywedodd y bachgen, na ellir ei enwi oherwydd rhesymau cyfreithiol, i'r ymosodiad ar Rebecca Aylward ddigwydd mewn coedwig ger Abercynffig.

Roedd y diffynnydd yn rhoi tystiolaeth yn Llys y Goron Abertawe.

Dywedodd bod ei ffrind wedi codi'r garreg gydag un llaw ac yna ei tharo.

Ar y dechrau, meddai, roedd yn defnyddio un llaw, ac yna gyda'i ddwy law gan ei tharo ar gefn ei phen.

"Fe welais i e yn ei tharo gyda chwech neu saith ergyd rymus.

"Fe glywais ei phenglog yn torri, yna fe welais waed.

"Roedd e'n fater o eiliadau."

Yna dywedodd ei fod wedi mynd yn ôl i dy ei ffrind, ac i'w ffrind son am gael diod i ddathlu.

Cafwyd hyd i gorff Rebecca ym mis Hydref 2010.

Yn ôl archwiliad post mortem fe fu farw o anafiadau i'w phen.

Roedd ei phenglog wedi ei dorri mewn pedwar lle.

Mae'r achos yn parhau.