British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 14 Gorffennaf 2011, 15:06 GMT 16:06 UK
Gwaith Syr Kyffin Williams wedi mynd dan y morthwyl

Llun Landscape in Mid Wales gan Kyffin Williams
Doedd na ddim prynwr ar gyfer y llun Landscape in Mid Wales yn yr arwerthiant

Mewn arwerthiant yn Llundain cafodd dau o luniau'r diweddar artist, Syr Kyffin Williams, eu gwerthu.

Llun gan Kyffin Williams o Borth Dafarch
Cafodd y llun yma o Borth Dafarch, Ynys Mn ei werthu am 25,000

Arwerthwyr Christie's Llundain, sydd â'r record ar gyfer y pris uchaf erioed i gael ei dalu am waith yr arlunydd o Ynys Môn, pan werthwyd Bryn Yr Hen Bobl am £57,600 yn 2005.

Y tro yma roedden nhw'n ceisio gwerthu tri llun gan yr arlunydd o Fôn.

Ond methwyd â chael prynwr ar gyfer un o'r lluniau, golygfa o ganolbarth Cymru oedd ag amcan bris o £20,000 - £30,000.

Cafodd llun Porth Dafarch, Ynys Môn ei werthu am £25,000 a llun o fythynod (Cottages at Sunset) ei werthu am £31,250 .

"Mae gwaith Syr Kyffin Williams yn dal yn boblogaidd iawn," meddai, Jo Baring, arbenigwr celf Christie's.

Mae 'na amcangyfri o 20,000-30,000 ar gyfer Cottages at Sunset
Aeth llun Cottages at Sunset am 31,250

"Dwi'n credu mai ei steil sy'n tynnu sylw, a'r ffordd mae o'n darlunio tirwedd, yn enwedig yng Nghymru.

"Mae ei luniau sy'n cynnwys ffermwyr neu ferlen hefyd yn gwerthu'n dda."

Ganed yr arlunydd yn Llangefni ac ar ôl astudio a gweithio yn Llundain am gyfnod, dychwelodd i'r ynys gan fyw ym Mhwllfanogl, Llanfairpwll.

Mae enghreifftiau o'i waith i'w weld mewn arddangosfa barhaol yn Oriel Ynys Môn.



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific