British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 6 Gorffennaf 2011, 15:22 GMT 16:22 UK
Cofnod: 'Ystyried technoleg'

Cofnod y Trafodion
Yn ôl Bwrdd yr Iaith mae'r Comisiwn wedi torri ei gynllun iaith

Mae Rhodri Glyn Thomas AC wedi dweud bod Comisiwn y Cynulliad yn ystyried technoleg gyfieithu cyn adrodd yn ôl am eu ymateb i adroddiad Bwrdd yr Iaith ddywedodd fod cynllun iaith wedi ei dorri wrth beidio â chyhoeddi Cofnod dwyieithog.

Tra'n ateb cwestiynau yn y siambr, dywedodd hefyd fod rhaid darparu'r Cofnod o fewn y gyllideb bresennol ac nad oedd arian ychwanegol ar gael i gyhoeddi Cofnod dwyieithog.

Tan 2010 roedd fersiwn gwbl ddwyieithog yn cael ei chyhoeddi o'r Cofnod, Hansard Cymru.

Ond erbyn hyn dim ond areithiau Cymraeg sy'n cael eu cyfieithu a'u cyhoeddi yn Saesneg - dydy areithiau Saesneg ddim yn cael eu trosi i'r Gymraeg.

Mae'r comisiwn yn bwriadu adrodd yn ôl am eu hymateb i'r adroddiad yr wythnos nesaf.

"Mae'r gyllideb yn gyllideb benodol," meddai Mr Thomas yn ei rôl fel Comisiynydd â gofal dros yr iaith.

Technoleg

"Rhaid canfod o fewn y gyllideb y math o arian sydd ei angen i ymateb i adroddiad Bwrdd yr Iaith."

Mewn ymateb i gwestiwn Bethan Jenkins AC, dywedodd Mr Thomas fod y Comisiwn yn ystyried technoleg gyfieithu fel Google translate ar gyfer cyfieithu'r Cofnod.

Holodd Simon Thomas AC a oedd Mr Thomas yn cytuno bod angen Cofnod dwyieithog o ran cofnod hanesyddol.

"Rydw i'n cytuno'n ymarferol mai'r unig beth sy'n bosibl yw Cofnod yn yr iaith ddefnyddiwyd a Chofnod o'r Gymraeg i'r Saesneg fel bod pawb yn deall," meddai.

"Byddwn i'n ystyried hwnnw'n ddrafft gofnod ac yn gweithio tuag at Gofnod sy'n gwbl ddwyieithog."

Cyflwynodd Cymdeithas yr Iaith e-ddeiseb i adfer Cofnod dwyieithog ar Fehefin 10 ac mae tua 1,000 wedi ei llofnodi hyd yn hyn.



HEFYD
Comisiwn yn 'torri cynllun iaith'
17 Meh 11 |  Newyddion
Comisiwn yn galw am drafodaeth
17 Meh 11 |  Newyddion
Galwad i adfer y cofnod dwyieithog
14 Meh 11 |  Newyddion
'Cofnod Cymraeg yn ein Cynulliad'
03 Meh 11 |  Newyddion
Pryder am effaith penderfyniad
02 Meh 11 |  Newyddion
Cam yn ôl i'r iaith?
19 Mai 10 |  Newyddion
Cyfieithu: Dal yn bwnc llosg
22 Medi 09 |  Newyddion
Cyfieithu: Beirniadu comisiwn
04 Medi 09 |  Newyddion
Iaith: Galw am gyngor cyfreithiol
03 Medi 09 |  Newyddion
Iaith: Cyngor cyfreithiol
02 Medi 09 |  Newyddion
Cynulliad: 'Newid rheol iaith'
06 Awst 09 |  Newyddion
Iaith y Cofnod: 'Statws is'
07 Awst 09 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific