British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 5 Gorffennaf 2011, 12:45 GMT 13:45 UK
Gavin Rees yn gorfod gohirio amddiffyn ei deitl

Gavin Rees
Cafodd Gavin Rees ei goroni yn bencampwr is-drwm Ewrop ym mis Mehefin

Mae pencampwr is-drwm Ewrop, Gavin Rees, wedi gohirio ei ornest i amddiffyn ei deitl am ei fod wedi anafu ei law.

Roedd y bocsiwr o Drecelyn i fod i baffio yn erbyn pencampwr Lloegr, Derry Mathews yn Arena Motorpoint yng Nghaerdydd ar Orffennaf 23.

Cafodd Rees, sy'n gyn-bencampwr WBA y byd ei goroni yn bencampwr is-drwm Ewrop wedi iddo guro'r Gwyddel Andrew Murray ar bwyntiau yng Nghaerdydd ar Fehefin 4 eleni.

Mae'n debyg fod Rees wedi anafu ei law wrth iddo ymarfer ar gyfer yr ornest.

Dywedodd hyrwyddwr yr ornest, Eddie Hearn, y byddai'r ornest yn cael ei hail-drefnu yn ddiweddarach eleni gan obeithio y byddai dyddiad yn cael ei bennu ar gyfer mis Medi neu fis Hydref.

Bydd pobl sydd wedi prynu ticedi ar gyfer yr ornest yn cael ad-daliad llawn.




Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific