British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 28 Mehefin 2011, 12:59 GMT 13:59 UK
Plaid: 'Angen bod yn uchelgeisiol'

Ieuan Wyn Jones AC
Mae Plaid Cymru'n beirniadu record Llywodraeth Cymru

Galwodd arweinydd Plaid Cymru ar i Lywodraeth Lafur Cymru i fod yn fwy uchelgeisiol yn yr hyn mae'n gofyn amdano ym mhecyn ariannol Cymru.

Wythnos diwethaf cyhoeddodd y Prif Weinidog, Carwyn Jones, ei fod am geisio pwerau benthyg a diwygio fformiwla gyllido Cymru gan San Steffan, yn ogystal ag ystyried pwerau trethu mewn meysydd fel trethi awyr.

Dydy Ieuan Wyn Jones o Blaid Cymru, cyn ddirprwy Mr Jones yn Llywodraeth Cymru'n Un, ddim yn meddwl bod hyn yn ddigon da o gymharu â'r pecyn ariannol fydd gan yr Alban.

1.5% yng Nghymru

Dywedodd: "Rydym ni'n gweld yr Alban yn rasio i gael setliad ariannol - mae pwerau'r Alban yn cynyddu o ganlyniad i lwyddiant yr SNP."

Roedd yn cyfeirio at yr amrywiol bwerau trethu mae'r Alban yn gobeithio'u cael yn Neddf yr Alban - pwerau benthyg, pwerau dros ryddhau bondiau, mwy o bwerau dros dreth incwm ac i wneud gwaith adeiladu.

"Cyfanswm gwerth setliad ariannol yr Alban yw £12 biliwn," ychwanegodd.

"Mae hynny'n 40% o'r gyllideb sydd ganddyn nhw reolaeth drosto fo, tra bod Carwyn Jones yn gofyn am reolaeth dros lai na 1.5% o gyllideb Cymru.

Cyhuddodd Jocelyn Davies o Blaid Cymru'r Llywodraeth o fethu â gweithredu gan ddweud nad yw unrhyw drafodaethau fu yn San Steffan wedi dwyn ffrwyth.

'amheus'

"Mae ganddyn nhw uned weithredu sy'n gweithredu dim, pwerau deddfu heb ddeddfwriaeth a negodi rhynglywodraethol gyda dim negodi," meddai.

Wrth ymateb i gwestiynau gan Ieuan Wyn Jones yn y siambr yn hwyrach, cadarnhaodd Carwyn Jones na fyddai'n gofyn am bwerau trethi - oni bai ei bod yn dod yn rhan o "becyn ariannol cynhwysfawr."

"Barn y Llywodraeth yw ddim i edrych am bwerau dros dreth incwm, rwy'n amheus am bwere trethi corfforaethol ond os ydy e'n cael ei gynnig i Ogledd Iwerddon, byddwn ni'n gorfod ystyried hynny.

"Byddwn ni'n ddigon parod i gymeryd y pwerau hynny fel rhan o becyn cynhwysfawr."



HEFYD
Galw am fwy o arian i Gymru
21 Meh 11 |  Newyddion
Galw am fwy o arian i Gymru
08 Meh 11 |  Newyddion
'Parch' ar yr agenda yn Llundain
08 Meh 11 |  Newyddion
Hyder y Frenhines yn y Cynulliad
07 Meh 11 |  Newyddion
Arweinwyr yn erbyn toriadau
07 Hyd 10 |  Newyddion
Ysgrifennydd Cymru: Y cam nesa?
10 Maw 11 |  Newyddion
'Angen parch,' medd Cameron
17 Mai 10 |  Newyddion
'Heb frwydro i gael mwy o gyllid'
04 Ebr 11 |  Newyddion
Comisiwn: Holtham wrth y llyw
08 Gorff 08 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific