British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 15 Mehefin 2011, 20:59 GMT 21:59 UK
Ieuan: 'Rhaid i'r Blaid beidio encilio'

CF99: Cyfweliad Ieuan Wyn Jones

Mae arweinydd Plaid Cymru, Ieuan Wyn Jones, wedi rhybuddio na all y Blaid encilio ar ôl canlyniad etholiad y Cynulliad.

Wrth siarad ar raglen CF99 BBC Cymru, dywedodd Mr Jones y bydd rhaid i'w olynydd barhau i ehangu apel y blaid er mwyn symud ymlaen.

"Os fydd y Blaid ond yn edrych arni hi ei hun, ond yn siarad gyda ni'n hunain, mi fyddai hynny'n gamgymeriad mawr," meddai.

"Rhaid i ni fod yn siarad gyda phobl o'r tu allan er mwyn ehangu ein hapêl."

'Yfflon o dwll'

Os ydych chi eisiau symud ymlaen o ddifri, fedrwch chi ddim treulio dwy flynedd yn ffraeo
Ieuan Wyn Jones AC

Pwysleisiodd ei fod yn aros fel arweinydd am y tro ar gais rhai o'i gyd aelodau o fewn y Blaid, a hynny er mwyn osgoi'r hyn alwodd yn "yfflon o dwll" a ddigwyddodd yn 2003.

Ychwanegodd: "Yn naturiol ma' rywun yn trafod penderfyniad gydag eraill ac un o'r pethau a ddywedwyd wrthyf oedd na ddylwn i drosglwyddo'r awenau yn syth.

"Dyna wnaethon ni yn 2003 a landio mewn yfflon o dwll - dwi ddim eisiau mynd yn ôl i'r fan yna.

"Mae angen i'r Blaid ystyried o ddifri rŵan. Rhaid i arweinydd gael plaid i'w harwain - mae angen peirianwaith, polisïau, sustem gyfathrebu dda - rhaid cael y 'basics' yma yn eu lle i unrhyw arweinydd newydd.

"Os ydych chi eisiau symud ymlaen o ddifri, fedrwch chi ddim treulio dwy flynedd yn ffraeo (fel yn 2003)."

80 mlynedd

Fe holwyd Mr Jones os oedd yn credu y byddai ei yrfa yn y pen draw yn cael ei farnu'n fethiant, ond gwrthododd hynny.

"Rwy'n falch iawn o'r hyn gyflawnwyd yn enwedig yn y pedair blynedd ddiwethaf.

"Dyna pryd y cafodd y Blaid - ar ôl 80 mlynedd o ffurfio polisïau - y cyfle cyntaf i'w gweithredu nhw mewn llywodraeth.

"Rydw i'n dal i gredu y daw cyfle i'r Blaid fod yn rym llawer mwy yng ngwleidyddiaeth Cymru nag y mae hi ar hyn o bryd."



HEFYD
Arweinydd yn rhoi ei deulu gyntaf
13 Meh 11 |  Newyddion
'Presenoldeb dewisol' Plaid Cymru
08 Meh 11 |  Newyddion
Marathon o ras i arwain Plaid Cymru
14 Mai 11 |  Newyddion
Ieuan Wyn Jones i barhau i arwain
09 Mai 11 |  Newyddion
Strategaeth etholiadol o dan y lach
09 Mai 11 |  Newyddion


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific