Ffôn symudol yn achub cerddwyr

Cafodd y ddau gerdddwr eu hachub o ardal Tryfan

Cafodd dau gerddwr eu hachub o fynydd yn Eryri nos Sul ar ôl iddynt anfon llun o'u lleoliad o ffôn symudol.

Sylweddolodd Tîm Achub Mynydd Dyffryn Ogwen fod y ddau mewn rhigol ar fynydd Tryfan.

Dywedodd llefarydd ar ran y tîm, Chris Lloyd: "Mae anfon llun yn syniad defnyddiol fel y gallwn ni ddod o hyd i bobl."

Mewn digwyddiad arall, aed â beiciwr mynydd i'r ysbyty mewn hofrennydd yn dilyn damwain yn ardal Dolgellau ddydd Sul.

Cafodd y beiciwr ei gludo o goedwig Coed y Brenin i Ysbyty Gwynedd ym Mangor gan hofrennydd yr awyrlu o'r Fali.

Nid yw ei anafiadau yn rhai difrifol.