British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 24 Mai 2011, 12:15 GMT 13:15 UK
Maes Awyr Caerdydd: Cwmwl o lwch yn atal teithiau awyr

Llosgfynydd Grimsvotn
Dechreuodd llosgfynydd Grimsvotn ffrwydro ddydd Sadwrn

Mae rhai awyrennau wedi cael eu gwahardd rhag gadael neu lanio ym Maes Awyr Caerdydd.

Daw'r penderfyniad yn sgil llosgfynydd yn ffrwydro yng Ngwlad yr Iâ gan wasgaru llwch sy'n mynd i gyfeiriad y DU.

Mae cwmnïau Loganair ac Easter Airways wedi canslo teithiau awyr rhwng Caerdydd ac Aberdeen.

Disgwylir i'r llwch o'r llosgfynydd ledu dros yr Alban yn ystod dydd Mawrth.

Gallai hyn olygu y bydd y gwynt yn cael ei chwythu'n syth o Wlad yr Iâ i'r DU
Sue Charles

Mae swyddogion Maes Awyr Caerdydd wedi argymell y dylai pobl sy'n gobeithio teithio gysylltu â'r cwmnïau awyrennau a'r cwmnïau teithio am y newyddion diweddaraf ynglŷn â theithiau awyr.

Dywedodd Cyflwynydd Tywydd BBC Cymru, Sue Charles, fod y Swyddfa Dywydd yn cadw llygad ar y sefyllfa.

"Bydd cyfeiriad y llwch yn dibynnu ar batrymau tywydd y dyddiau nesaf ac am faint y bydd y llosgfynydd yn parhau i ffrwydro.

"Mae'r rhagolygon yn awgrymu y bydd y gwynt yn chwythu o'r gogledd-orllewin ddydd Iau.

"Gallai hyn olygu y bydd y gwynt yn cael ei chwythu'n syth o Wlad yr Iâ i'r DU."

Dechreuodd llosgfynydd Grimsvotn ym Mharc Cenedlaethol Vatnajokull ffrwydro ddydd Sadwrn, gan daflu llwch 12 milltir i'r awyr.



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific