British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 24 Mai 2011, 09:54 GMT 10:54 UK
Rhieni am gadw ysgol gynradd

Plant yn chwarae ar y buarth

Mae pentrefwyr wedi bod yn cynnal protest wrth i gynghorwyr Sir Ddinbych drafod cynnig i gau ysgol gynradd.

Dywed rhieni Llandrillo, ger Corwen, y dylid cadw'r ysgol ar agor gan ei fod yn ganolbwynt i'r pentre'.

Mae cynghorwyr trafod cynigion i gau pedair ysgol gynradd yn ardal gorllewin Dyffryn Dyfrdwy.

Yn ôl arolwg diweddar roedd yna nifer o lefydd gwag yn ysgolion cyfrwng Cymraeg a Saesneg.

Mae cabinet Sir Ddinbych yn cwrdd ddydd Mawrth i benderfynu a ddylid parhau â'r cynllun gan ddechrau cyfnod ffurfiol o ymgynghori.

Dywedodd y cynghorydd Eryl Williams, sydd â chyfrifoldeb am addysg: "Rydym yn credu ei bod yn bwysig fod pobl yn ymwybodol fod hwn yn broses hir, ac rydym am sicrhau rhieni a chymunedau y bydd yna gyfleoedd i bobl ddweud eu dweud."

Yr ysgolion eraill fyddai'n cael eu heffeithio gan y broses ad-drefnu yw Ysgol Bro Elwern, Gwyddelwern, Ysgol Carrog, Ysgol Glyndyfrdwy ac Ysgol Betws Gwerfyl Goch.




Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific