British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 17 Mai 2011, 10:17 GMT 11:17 UK
'Angen balans swyddi' i Fn

Aliwminiwm M
Gall cannoedd o swyddi gael eu creu ar y safle

Gall swyddi cynhyrchu a thwristiaid gydfodoli ar Ynys Môn yn ôl Aelod Seneddol yr ynys.

Wrth ymateb i'r cynlluniau ar gyfer parc hamdden newydd gyda'r posibilrwydd o greu 600 ger Caergybi, dywedodd Albert Owen mai mater o gael y balans yn gywir oedd hi.

Ychwanegodd bod yr ynys yn gweddu i ddyfodol twristiaeth gynaliadwy.

Mae gan gwmni Land and Lakes opsiwn i brynu 630 erw o dir sy'n berchen i gwmni Aliwminiwm Môn ym Mhenrhos.

Y cwmni sydd wedi cynnal a chadw'r parc arfordirol fel rhan o'u cynllun cymunedol ers sefydlu'r gwaith yn 1969.

Bwriad Land and Lakes yw creu canolfan wyliau enfawr ar y safle.

Balans

Mae Carwyn Jones, Prif Weinidog Cymru, wedi croesawu'r "cynlluniau uchelgeisiol".

Mae disgwyl cyhoeddiad arall ym mis Mehefin lle gall hyd at 500 o swyddi eraill gael eu creu yn hen waith smeltio ar y safle.

Dywedodd Mr Owen bod hi'n bwysig bod yr ynys yn rhywle y mae pobl eisiau ymweld â hi, dim dim ond gyrru drwyddi i weddill Cymru neu i Iwerddon.

Gyda thechnoleg newydd does dim rhaid dewis unai technoleg wyrdd neu waith cynhyrchu.

"Mae angen swyddi.... gwyliau....rhaid cael y balans yn gywir.

"Dwi ddim yn gefnogwr brwd o waith biomas ond doed neb eisiau mynd yn ôl i danwydd ffosil.

"Rhaid gwneud yn siŵr bod 'na ymgynghoriad cyhoeddus

"Mae angen y swyddi yma ar gyfer y dyfodol."



HEFYD
Gobaith newydd i safle aliwminiwm
16 Mai 11 |  Newyddion


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific