British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 11 Mai 2011, 11:26 GMT 12:26 UK
Y Don Geltaidd yn cipio wobr ryngwladol

Corc
Mae Corc yn un o'r porthladdoedd sydd yn rhan o'r cynllun

Mae cynllun mordeithio wedi cipio gwobr ryngwladol yn y Cruise Excellence Awards, Bilbao, Sbaen.

Derbyniodd cynllun Y Don Geltaidd y wobr am 'Gynllun Rhyngwladol Gorau Gogledd Ewrop' yn y seremoni wobrwyo ryngwladol gafodd ei threfnu gan Cruises News Media Group yn Amgueddfa Morwrol Bilbao.

Cafodd y prosiect ei anrhydeddu am ei ymrwymiad i greu taith unigryw drwy wledydd Celtaidd Iwerddon a Chymru, wrth gyflwyno'r opsiwn o fordaith ar Fôr Iwerddon.

Mae cynllun Y Don Geltaidd yn bartneriaeth rhwng porthladdoedd Ynys Môn, Aberdaugleddau, Abertawe, Dulyn, Waterford a Corc mewn ymgais i ddatblygu mordeithio ar Fôr Iwerddon.

Edrychwn ymlaen at barhau i ddatblygu enw da Môr Iwerddon fel un o'r mordeithiau gorau yng Ngogledd Ewrop
Sue Thomas

Ymysg gweithgareddau'r cynllun mae hyfforddi pobl â sgiliau ieithyddol i fod yn dywyswyr bathodyn gwyrdd a chynllun Llysgennad Tacsi er mwyn gwella'r croeso ar y lan.

Mae hefyd yn datblygu teithiau newydd ym mhob porthladd ac yn cynnig mordeithiau Celtaidd i wahanol gwmnïau mordeithio.

'Enw da'

Dywedodd Sue Thomas, rheolwr prosiect Y Don Geltaidd: "Mae'r wobr yn galonogol iawn i'r tîm ac yn gydnabyddiaeth o'r gwaith caled sy'n cael ei wneud gan ein holl bartneriaid yng Nghymru a'r Iwerddon.

"Rydym yn hynod o falch o'i dderbyn, yn arbennig am mai'r diwydiant sy'n penderfynu ar yr enillydd.

Virginia Lpez Valiente o Cruises News yn cyflwyno'r wobr i Sue Thomas
Mae'r cynllun yn cael ei arwain gan Gyngor Sir Ynys Mn

"Edrychwn ymlaen at barhau i ddatblygu enw da Môr Iwerddon fel un o'r mordeithiau gorau yng Ngogledd Ewrop."

Mae'r cynllun yn cael ei arwain gan Gyngor Sir Ynys Môn ac fe'i ariannir drwy Gronfa Ddatblygu Rhanbarthol Ewrop ac sy'n rhan o gynllun Interreg 4A.

Dywedodd Dylan Williams, Pennaeth Gweithredol Datblygu Economaidd ar Ynys Môn: "Mae'r wobr yn dangos y gwaith da sy'n cael ei wneud gan swyddogion Ynys Môn ar y cyd â sefydliadau eraill.

"Rydyn ni'n gobeithio mai hwn fydd y cyntaf o sawl gwobr sy'n cydnabod y gwahaniaeth positif gellir ei wneud drwy weithredu syniadau arloesol gan ddefnyddio nawdd Ewropeaidd."



Chwiliwch yn Gymraeg


CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific