Llanelli'n codi'r cwpan

Mae Llanelli wedi ennill Cwpan Cymru am y tro cynta yn eu hanes.

Roedd Clwb Pêl-droed Dinas Bangor yn anelu at ennill y cwpan am y pedwerydd tro'n olynol ond fe gollon nhw ym Mharc y Scarlets.

Y sgôr derfynol oedd 4-1.

Roedd Bangor wedi ennill y bencampwriaeth y tymor hwn gyda buddugoliaeth o 1-0 yn erbyn Y Seintiau Newydd ar Ffordd Farrar wythnos yn ôl.

Ond cyn hynny fe wnaeth Llanelli roi crasfa i Fangor ar yr un cae, 5-2.

Fe sgoriodd Rhys Griffiths ddwy i Lanelli ddydd Sul a'r sgorwyr eraill oedd Craig Moses a Chris Venables.

Fe lwyddodd Alan Bull i benio'n grefftus i Fangor chwe munud ar ôl dechrau'r ail hanner.

Dydd Sul, Mai 8:

Cwpan Cymru

Llanelli 4 Bangor 1