British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 28 Ebrill 2011, 15:25 GMT 16:25 UK
Gwaith cyfansoddwr o Gymru yn y Briodas Frenhinol

Y cyfansoddwr Paul Mealor
Cafodd y cyfansoddwr Paul Mealor ei eni yn Llanelwy

Mae cerddoriaeth cyfansoddwr o Gymru, Paul Mealor, yn cael ei pherfformio yn ystod Priodas y Tywysog William a Kate Middleton.

Roedd hyn yn "sioc" i'r cyfansoddwr 35 oed sy'n byw ar Ynys Môn.

Bu'n rhaid iddo gadw'r newyddion yn gyfrinachol am gyfnod, hyd yn oed oddi wrth ei deulu.

"Roeddwn yn falch iawn o glywed bod Y Tywysog wedi dewis fy ngherddoriaeth," meddai.

Cafodd Ubi Caritas ei berfformio am y tro cyntaf ym mis Hydref ym Mhrifysgol St Andrew lle gwnaeth y Tywysog a Kate Middleton gyfarfod.

Roedd y perfformiad yn ystod ymweliad y cwpl â'r brifysgol.

Cafodd y cyfansoddwr ei eni yn Llanelwy, tref sydd â chysylltiadau â'r cyfansoddwr William Mathias a lle y cynhelir Gŵyl Gerdd Ryngwladol Gogledd Cymru bob blwyddyn.

Erbyn hyn mae'r cyfansoddwr yn dysgu ym Mhrifysgol Aberdeen ac yn rhannu ei amser rhwng Yr Alban ac Ynys Môn lle mae ganddo stiwdio.

Yn y briodas hefyd fe fydd cerddoriaeth cyfansoddwyr eraill fel Elgar a Vaughan Williams.



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific