British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 21 Ebrill 2011, 14:57 GMT 15:57 UK
Pwy sy'n gyfrifol am ProAct a ReAct?

logo CF99

Mae Llafur a Phlaid Cymru'n parhau i ddadlau am bwy sy'n haeddu'r clod am y ffordd ymatebodd Llywodraeth y Cynulliad i'r dirwasgiad.

Tra'n cymryd rhan ar raglen wleidyddol CF99 gwadodd y cyn Brif Weinidog Rhodri Morgan mai Ieuan Wyn Jones o Blaid Cymru oedd yn gyfrifol am gyflwyno cynlluniau i warchod swyddi yng Nghymru pan oedd Mr Jones yn Weinidog yr Economi.

Ieuan Wyn Jones a Rhodri Morgan lofnododd y cytundeb Cymru'n Un i ffurfio clymblaid Llafur-Plaid Cymru, gan gyd-weithio fel Dirprwy a Phrif Weinidog am dair blynedd.

Dywedodd Dafydd Trystan Davies, ymgeisydd Cynulliad i Blaid Cymru ar y rhaglen wleidyddol CF99 nos Fercher mai Ieuan Wyn Jones oedd yn gyfrifol am ReAct a ProAct, ond cafwyd ymateb chwyrn gan Rhodri Morgan.

Roedd ProAct yn rhoi cyllid i gwmnïau oedd yn cael trafferthion yn y wasgfa economaidd i hyfforddi eu staff tra bod ReAct yn rhoi help i bobl oedd wedi colli eu swydd.

Eisoes, mae Vaughan Gething, ymgeisydd Llafur wedi dweud "Os yw Plaid Cymru yn cymryd y clod am ProAct a ReAct, mae fel teithiwr yn cymryd y clod am yrru bws."

'Honiad rwtsh'

Wfftiodd Plaid Cymru'n honiad yn syth, ond nos Fercher ymunodd Mr Morgan yn y ddadl ar y mater.

"Nid Ieuan Wyn Jones oedd yn gyfrifol, Jane Hutt a Leslie Griffiths oedd yn gyfrifol, chi'n trio honni hynny er mwyn trio creu rhyw boblogrwydd iddo fe," meddai wrth dorri ar draws Mr Davies.

Roedd Mr Davies yn ymateb i gwestiynau ar record Plaid Cymru ar yr economi fel rhan o glymblaid Cymru'n Un.

"Mae pawb yn trio cymeryd y clod," meddai Mr Davies wrth i Mr Morgan ei herio.

"Gweinidog yr economi wnaeth gyflwyno'r cynlluniau.

"Y gwir yw bod Ieuan Wyn Jones wedi bod yn arwain ar gynllun ProAct a ReAct fel rhan o'r Llywodraeth."

Parhaodd Mr Morgan i fynnu mai "honiad rwtsh yw e."

'Problem yno ers sbel'

Roedd Aled Roberts o'r Democratiaid Rhyddfrydol a Harri Lloyd Davies o'r Ceidwadwyr hefyd ar y rhaglen.

"Pwy sy'n derbyn y cyfrifoldeb am y ffaith bod sefyllfa Cymru wedi gwaethygu yn y pedair blynedd diwethaf yma?" holodd Mr Roberts.

Dywedodd Dafydd Trystan Davies bod y Llywodraeth dan arweiniad Ieuan Wyn Jones wedi cyflwyno rhaglen adfer yr economi i ymdrin â'r "problemau hirdymor."

"Pam ei bod hi wedi cymeryd pedair blynedd i weitho hwn mas?" holodd Harri Lloyd Davies. "Mae'r broblem wedi bod yno ers sbel."

Mae modd gweld y rhaglen yn llawn yma



NEWYDDION
PLAID ETHOL RHANB CYF +/-
LLAF 28 2 30 +4
CEID 6 8 14 +2
PC 5 6 11 -4
DR 1 4 5 -1
ARALL 0 0 0 -1

Ar ôl cyhoeddi 40 o'r 40 sedd

YR YMGYRCH
YR ARWEINWYR
PYNCIAU LLOSG
BARN Y PLEIDIAU
MANIFFESTO
YMGYRCHOEDD
CEFNDIR

Y RHANBARTHAU



Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific