British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 20 Ebrill 2011, 13:26 GMT 14:26 UK
Arweinydd Llafur, Ed Miliband, yng Nghymru

Ed Miliband
Fe fydd Ed Miliband yn ymweld Chymru ddydd Mercher

Fe fydd buddugoliaeth i'r Blaid Lafur yn Etholiad y Cynulliad ar Fai 5 yn dangos bod 'na ddewis arall i doriadau Llywodraeth y DU yn ôl arweinydd y blaid.

Roedd Ed Miliband yn ymweld â gorllewin Cymru ddydd Mercher.

Dyma ei ymweliad cyntaf â Chymru yn ystod yr ymgyrch tra bod David Cameron a Nick Clegg eisoes wedi ymweld.

Fe wnaeth Mr Miliband feirniadu "llywodraeth ddiofal y Ceidwadwyr a'u cynghreiriaid, y Democratiaid Rhyddfrydol."

Er y byddai llywodraeth Lafur yn San Steffan wedi gwneud toriadau, dywedodd na fydden nhw wedi mynd mor bell mor fuan.

'Gwarchod'

"Ddylai neb amau, mai Downing Street sydd wrth wraidd y toriadau fydd yn effeithio ar bob stryd ym Mhrydain," meddai.

Fyddai llywodraeth o dan arweiniad Llafur yn y Cynulliad ddim yn gallu atal cynlluniau Llywodraeth San Steffan i leihau'r diffyg ariannol.

"Ond fe fyddai'n dangos, hyd yn oed mewn amser anodd i ysgolion, ysbytai, a swyddi, fod 'na o hyd ddewis arall."

Ychwanegodd mai'r rhai bregus fydd yn cael eu taro caleta' gynta ac y byddai rhaglen y glymblaid yn "dinistrio" swyddi a thyfiant economaidd.

Dywedodd y byddai polisïau'r Ceidwadwyr yn creu rhwygiadau yn y gymdeithas.

"Gall Gymru wneud yn well. Mae'n dangos y gallwn wneud mwy na phrotestio. Gallwn warchod."

'Y person gorau'

Mae arweinydd y blaid yng Nghymru, Carwyn Jones, wedi dweud bod "mwyafrif" yn bosib yn yr etholiad.

Fe ddywedodd Mr Miliband nad oes angen mwy o bwerau deddfu ar Gymru ond fe fyddai'n derbyn arweiniad gan Mr Jones.

"Mae Carwyn wedi dangos mai fo yw'r person gorau i sefyll dros Gymru..."

Ddydd Mercher hefyd bu arweinydd y Democratiaid Rhyddfrydol, Nick Clegg, yn gwneud ei ail ymweliad â de Cymru .

Yn y cyfamser mae Plaid Cymru yn ymgyrchu ar iechyd gan addo gwarchod ysbytai lleol, gan wrthod honiadau Llafur eu bod yn codi ofn ar y mater.

Mae'r Ceidwadwyr yn ne orllewin Cymru yn trafod cynlluniau i greu economi mwy cynaliadwy.



NEWYDDION
PLAID ETHOL RHANB CYF +/-
LLAF 28 2 30 +4
CEID 6 8 14 +2
PC 5 6 11 -4
DR 1 4 5 -1
ARALL 0 0 0 -1

Ar ôl cyhoeddi 40 o'r 40 sedd

YR YMGYRCH
YR ARWEINWYR
PYNCIAU LLOSG
BARN Y PLEIDIAU
MANIFFESTO
YMGYRCHOEDD
CEFNDIR

Y RHANBARTHAU



Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific