British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 14 Ebrill 2011, 11:24 GMT 12:24 UK
Ymgais am yr ail bleidlais gan y Blaid Werdd

Jake Griffiths
Mae Jake Griffiths yn gobeithio ennill sedd yn y Cynulliad i'r Blaid Werdd

Gofyn am ail bleidlais etholwyr oedd aelodau'r Blaid Werdd wrth lansio'u maniffesto ar gyfer Etholiad y Cynulliad.

Yng ngwesty'r Angel, Caerdydd fore Iau, dywedodd y Gwyrddion eu bod yn ffyddiog mai'r etholiad yw'r cyfle euraid i'r blaid ennill cynrychiolaeth yn y Cynulliad am y tro cyntaf.

Eisoes mae ganddyn nhw restr lawn o ymgeiswyr yn y pum sedd ranbarthol ac yn gobeithio ennill digon o bleidleisiau i sicrhau bod un ymgeisydd yn llwyddiannus.

Eu bwriad, pe baen nhw'n cael eu hethol, fyddai gwarchod gwasanaethau cyhoeddus, buddsoddi mewn swyddi carbon isel a chynnig dewis amgen i doriadau.

Jake Griffiths yw arweinydd y Gwyrddion yng Nghymru a dywedodd ei fod yn gobeithio y byddai ei blaid yn adeiladu ar fomentwm ethol eu harweinydd Prydeinig, Caroline Lucas, yn Aelod Seneddol yn yr etholiad cyffredinol y llynedd.

Y nod, meddai, fyddai cipio ail bleidlais pleidleiswyr Llafur. "Does dim pwynt pleidleisio i Lafur ddwy waith," meddai yn y lansiad fore Iau.

Pwerau codi arian

"Rydym yn gofyn i bobl roi eu hail bleidlais i'r Gwyrddion er mwyn gwarchod gwasanaethau cyhoeddus ac adeiladu economi carbon isel," meddai.

ADDEWIDION Y GWYRDDION
Amddiffyn gwasanaethau cyhoeddus hanfodol
Creu 50,000 o swyddi yn yr economi carbon isel
Cefnogi busnesau lleol
Ynni glân diogel, dim niwclear
Ariannu ysgolion yn decach
Gwneud y gadwyn fwyd yn un lleol
Ystyried cyflwyno gofal cymdeithasol am ddim i'r henoed

Ers damwain niwclear Fukushima, meddai, mae etholwyr yn sylweddoli gwerth yr economi werdd ac eisiau cael eu hynni o ffynonellau adnewyddol.

"Bydd y Gwyrddion yn y Cynulliad yn gweithio i gyfyngu ar niwed toriadau San Steffan a dadlau am y dewis arall, hybu buddsoddiad mewn swyddi newydd yn yr economi carbon isel.

"Rydyn ni'n cefnogi'n ddiamod y syniad o wasanaethau cyhoeddus o safon a gwladwriaeth les sydd yno i bobol pan maen nhw ei hangen hi."

Mae'r Gwyrddion yn cefnogi rhoi pwerau codi arian i'r Cynulliad fel y gall fuddsoddi mewn swyddi.

Fe feirniadodd record y Cynulliad o ran cyrraedd targedau amgylcheddol a chreu swyddi gwyrdd a hybu'r economi werdd.

"Bydd hwb ariannol a buddsoddi mewn cynlluniau gwyrdd yn creu miloedd o swyddi ac yn taclo newid hinsawdd yr un pryd," meddai.



NEWYDDION
PLAID ETHOL RHANB CYF +/-
LLAF 28 2 30 +4
CEID 6 8 14 +2
PC 5 6 11 -4
DR 1 4 5 -1
ARALL 0 0 0 -1

Ar ôl cyhoeddi 40 o'r 40 sedd

YR YMGYRCH
YR ARWEINWYR
PYNCIAU LLOSG
BARN Y PLEIDIAU
MANIFFESTO
YMGYRCHOEDD
CEFNDIR

Y RHANBARTHAU



Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific