British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 13 Ebrill 2011, 11:55 GMT 12:55 UK
Cwmni'n gadael Maes Awyr Caerdydd

Maes Awyr Caerdydd
Bu'r cwmni yn hedfan o Gaerdydd ers 2002

Mae cwmni awyr bmibaby wedi cyhoeddi eu bod yn rhoi'r gorau i'w gwasanaethau o Faes Awyr Caerdydd.

Bydd awyrennau'r cwmni yng Nghaerdydd yn symud i feysydd awyr Belffast, Birmingham ac East Midlands.

Mae'r cwmni'n gyfrifol am naw o deithiau o Gaerdydd i Geneva, Faro, Belffast, Malaga, Murcia, Alicante, Ibiza, Palma a Mahon.

Cynnig i symud

Mewn datganiad, dywedodd y cwmni: "Yn yr hinsawdd economaidd bresennol mae'n hanfodol i bmibaby ganolbwyntio ar feysydd awyr sydd â phresenoldeb cryf yn y farchnad a lle mae cyfleoedd i dyfu'r busnes.

"Bydd bmibaby yn dechrau cyfnod ymgynghori o 30 diwrnod gyda'r undebau o ddydd Mercher, Ebrill 13, ymlaen.

"Bydd criwiau a pheilotiaid sy'n gweithio yng Nghaerdydd (a Manceinion) yn cael cynnig i symud i weithio yng nghanolbarth Lloegr."

Cadarnhaodd y cwmni fod bygythiad i 69 o swyddi yng Nghaerdydd, gan fod 44 aelod o griw caban, 24 peilot ac un rheolwr wedi cael rhybudd diswyddo.

Roedd y cwmni'n pwysleisio fodd bynnag bod digon o swyddi tebyg ym meysydd awyr Birmingham ac East Midlands i bob un o'r 69 drosglwyddo yno'n syth os fyddan nhw'n dymuno hynny.

Ergyd?

Bydd y cyhoeddiad yn ergyd i Faes Awyr Caerdydd, gan eu bod nhw wedi datgan eu dymuniad i ehangu gweithredoedd y maes awyr yn ail hanner y llynedd.

Bydd gwasanaethau o Gaerdydd yn dod i ben ar ddiwedd amserlen awyrennau'r haf ac fe fydd hynny rywbryd yn ystod hydref 2011.

Bu'r cwmni yn defnyddio Maes Awyr Caerdydd ers 2002 ond eisoes roedd rhai o deithiau'r cwmni - i Barcelona, Prague a Nice i enwi ond tri - wedi dod i ben.

Caerdydd oedd ail ganolfan fwyaf y cwmni yn y DU.



HEFYD
Maes Awyr yn awyddus i ehangu
22 Gorff 10 |  Newyddion
Cwmni awyrennau: Colli 25 swydd?
04 Tach 09 |  Newyddion
Taith gyntaf bmibaby o Gaerdydd
27 Hyd 02 |  Newyddion
Teithiau rhad o Faes Awyr Caerdydd
03 Gorff 02 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific