British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Gwener, 1 Ebrill 2011, 20:51 GMT 21:51 UK
Cyflymu dadgomisiynu Trawsfynydd

Trawsfynydd
Bydd y gwaith yn dod i ben erbyn 2016 yn hytrach na 2022.

Bydd y broses o ddadgomisiynu gorsaf niwclear yn cael ei gyflymu.

Mae'r Awdurdod Dadgomisiynu Niwclear (NDA) wedi cymeradwyo cynllun i gwblhau'r rhan bresennol o ddadgomisiynu pwerdy Trawsfynydd erbyn 2016 yn hytrach na 2022.

Mae disgwyl y bydd hyn yn arwain at rwng 150 a 200 o weithwyr ychwanegol yn cael eu cyflogi i wneud y gwaith, gan gynyddu'r gweithlu i tua 800.

Cafodd y syniad ei grybwyll ym mis Gorffennaf y llynedd, ac fe gafodd ei gynnwys yng nghynllun busnes yr NDA ar gyfer 2011-14.

Dywed y sefydliad fod hwn yn cynrychioli "buddsoddiad cryf a pharhaus yn y rhaglen i lanhau'r diwydiant niwclear yn y DU".

Ail orsaf?

Mae'r adroddiad yn cadarnhau y bydd gorsaf Wylfa ar Ynys Môn yn parhau i gynhyrchu trydan yn 2011-12 cyn y bydd paratoadau ar gyfer ei dadgomisiynu yn cael eu gwneud.

Ond bydd adolygiad o'r cyfle hefyd i bobl gyda sgiliau symud rhwng Trawsfynydd, Wylfa ac ail orsaf posib allai gael ei hadeiladu ar Ynys Môn.

Dywed yr adroddiad: "Mae'r cynllun busnes yn cefnogi symud ymlaen gydag optimeiddio'r dulliau o ddelio gyda gorsafoedd Magnox, gan nodi Trawsfynydd a Bradwell fel safleoedd lle gallwn gyflymu dadgomisiynu.

"Bydd mwy o waith yn cael ei wneud i dynnu tanwydd niwclear yn Chapelcross, Sizewell A a Dungeness A, gyda chynhyrchu trydan i barhau yn Wylfa ac Oldbury."



HEFYD
Datgomisiynu gorsaf yn gynt?
01 Gorff 10 |  Newyddion
Dim statws arbennig i atomfa
19 Meh 10 |  Newyddion
Ymgyrchwyr am achub tyrau
19 Hyd 09 |  Newyddion
Atomfa: Agor storfa
17 Medi 09 |  Newyddion


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific