British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 17 Mawrth 2011, 15:01 GMT
Hawliau plant: Cymru ar y blaen

Parc chwarae i blant
Mae'r ddeddf yn rhan o gyfraith Cymru

Cymru yw'r wlad gyntaf yn y DU i fabwysiadu Confensiwn y Cenhedloedd Unedig ar Hawliau Plant (UNCRC) fel deddf gwlad.

Cafodd Mesur Hawliau Plant a Phobl Ifanc (Cymru) ei gymeradwyo gan Gyngor y Frenhines, ac mae bellach yn rhan o gyfraith Cymru.

Disgrifiodd y Dirprwy Weinidog dros Blant, Huw Lewis, y diwrnod fel un hanesyddol i hawliau plant yng Nghymru.

Mae'r mesur yn cynnwys nifer o faterion fydd yn cryfhau ac adeiladu ar hawliau presennol yn seiliedig ar ddull Llywodraeth y Cynulliad wrth ymdrin â pholisïau plant a phobl ifanc hyd at 25 oed.

'Tir newydd'

"Mae'n fesur sy'n torri tir newydd ac yn gosod Cymru ymhell ar y blaen i weddill y DU wrth fabwysiadu UNCRC fel rhan o'i chyfraith gwlad," meddai Huw Lewis.

"Mae'r ddeddf yn cyffwrdd gyda phob rhan o bolisi, ac felly'n mynd i wneud gwahaniaeth positif i'r modd y mae gwasanaethau a chefnogaeth i blant yn cael ei ddarparu yn y dyfodol."

Dywedodd Comisiynydd Plant Cymru, Keith Towler: "Mae'r ddeddfwriaeth yma yn garreg filltir bwysig sydd â chefnogaeth drawsbleidiol ym Mae Caerdydd.

"Dylwn ymfalchïo fod Cymru a'i llywodraeth yn arwain y ffordd wrth sicrhau lle plant a phobl ifanc fel dinasyddion llawn o'n cenedl."

Dywedodd Anita Tiessen, Dirprwy Gyfarwyddwr UNICEF UK: "Mae heddiw'n ddiwrnod balch iawn i Gymru. Mae UNICEF UK wrth ein bodd fod Mesur Hawliau Plant a Phobl Ifanc (Cymru) wedi cael sêl bendith Frenhinol.

"Mae'n gosod hawliau plant yng nghalon polisïau Cymru ac yn gosod y safon ar gyfer gweddill y DU."



HEFYD
Maniffesto i warchod plant
24 Tach 10 |  Newyddion
Llinell gymorth yn denu ymateb
02 Awst 10 |  Newyddion
Diogelu plant: Pryder comisiynydd
10 Tach 09 |  Newyddion


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific