British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Sul, 13 Mawrth 2011, 16:01 GMT
Comisiynwyr yn rheoli cyngor?

Clive McGregor
Clive McGregor: 'Mi allai'r gweinidog wahardd holl aelodau'r cyngor a rhedeg y cyngor yng Nghaerdydd'

Mae BBC Cymru yn deall y gallai Gweinidog Llywodraeth Leol y Cynulliad, Carl Sargeant, gyhoeddi'r wythnos hon y bydd comisiynwyr yn cael eu penodi i redeg Cyngor Ynys Môn.

Mae ffynhonnell yn Llywodraeth y Cynulliad wedi dweud wrth BBC Cymru fod y sefyllfa o fewn yr awdurdod "wedi mynd yn rhy bell".

Deellir bod y camau'n golygu nad yw cynghorwryr etholedig yn rhedeg y cyngor.

Yn wreiddiol, roedd arweinwyr gwleidyddol a swyddogion y Swyddfa Archwiliad i fod i gyfarfod yn Llangefni ddydd Llun er mwyn clywed canlyniadau ymchwiliad y mae'r gweinidog wedi ei orchymyn.

Ond mae'r cyfarfod wedi cael ei ohirio.

Manylion

Deellir nad yw'r adroddiad archwiliad, y mae Mr Sargeant wedi seilio ei benderfyniad arno, yn cynnwys argymhellion.

Ond dywedodd Gohebydd Gwleidyddol BBC Cymru, John Stevenson, y byddai manylion yr "ymyriad allanol" yn natganiad y gweinidog yr wythnos hon.

Ar raglen The Politics Show dywedodd arweinydd y cyngor, Clive McGregor, fod Mr Sargeant wedi galw am "adolygiad byr a thrylwyr" ym mis Chwefror.

"Mi allai'r gweinidog wahardd holl aelodau'r cyngor," meddai, "a rhedeg y cyngor yng Nghaerdydd.

'Enw da'

"Mae'r cyngor wedi colli ei enw da ers mwy nag 20 mlynedd."

Pan honnwyd bod y sefyllfa wedi gwaethygu pan oedd wrth y llyw dywedodd: "Mi ymunais â'r cyngor yn 2008.

"Efallai y gallwn i fod wedi gwneud rhai pethau'n wahanol ... efallai 'mod i wedi gwneud camgymeriadau ond nid dwywaith."




Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific