British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 3 Mawrth 2011, 19:03 GMT
Golau gwyrdd i fferm baneli solar

Paneli Solar
Bydd trydan o'r paneli solar yn cael ei fwydo i mewn i'r Grid Cenedlaethol

Mae cynlluniau i ddatblygu fferm solar ar gyfer hyd at 10,000 o baneli ar ddau safle yn Sir Gaerfyrddin wedi cael eu cymeradwyo.

Fe allai'r datblygiad ar gwrs rasio ceffylau Ffos Las ger Trimsaran a safle hen waith glo Cynheidre ger Five Roads gyflenwi trydan i hyd at 1,000 o dai.

Rhoddodd cynghorwyr ganiatâd cynllunio i'r fenter ddydd Iau.

Wedi eu creu o resi ar resi o baneli solar unigol, bydd y trydan sy'n cael ei gynhyrchu yn cael ei fwydo i'r Grid Cenedlaethol.

Fis Ionawr, daeth Sir Benfro'r cyngor cyntaf yng Nghymru i gymeradwyo fferm solar pan roddwyd caniatâd cynllunio ar dir plasty Rhos-y-Gilwen ger Aberteifi

Dywedodd Entec, sy'n gweithredu fel asiant ar ran y datblygwyr, fod y ddau safle yn Sir Gaerfyrddin wedi eu dewis am eu bod mewn lleoliad da ac wedi eu cuddio'n ddigonol oddi wrth ardaloedd cyfagos.

Daw'r cais dros 50 mlynedd ers i'r gwaith glo agor ar y safle.

Pan agorodd Glofa Cynheidre yng Ngwm Gwendraeth yn 1954 roedd yn cyflogi cannoedd.

Yn ei anterth, roedd y safle'n cynhyrchu dros 470,000 tunnell o lo ac yn cyflogi bron i 1,500 o weithwyr.

Caeodd y gwaith yn 1989.

Cafodd pobl leol gyfle i weld y cynlluniau ar gyfer y fferm solar fis Ionawr pan gynhaliwyd arddangosfa yn Neuadd y Tymbl.



HEFYD
Cynlluniau ar gyfer parc solar
27 Ion 11 |  Newyddion
360 o swyddi newydd i ganolfan alw
24 Chwef 11 |  Newyddion
Golau gwyrdd i baneli solar
17 Chwef 11 |  Newyddion
Prosiect ynni: 85 o swyddi
09 Chwef 11 |  Newyddion
Mwy o barciau paneli solar i Gymru
22 Ion 11 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific