British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 22 Chwefror 2011, 07:32 GMT
Cymeradwyo cynnydd treth cyngor

Bil treth cyngor (llun llyfrgell)
Dyw'r cynnydd o 2.9% ddim yn cynnwys cyfran yr heddlu na'r cyfraniad tre' a chymuned

Mae cynghorwyr Sir Ddinbych wedi cymeradwyo cynnydd o 2.9% yn nhreth y cyngor ar gyfer y flwyddyn ariannol nesa'.

Cafodd cyfarfod arbennig ei gynnal yn Rhuthun ddydd Mawrth.

Mae'r cyngor hefyd wedi cytuno ar gynllun i arbed £6 miliwn y flwyddyn nesa'.

Dyw'r cynnydd o 2.9% yn nhreth y cyngor ddim yn cynnwys cyfran yr heddlu na'r cyfraniad tre' a chymuned.

Cafodd cyllideb y cyngor ei chyhoeddi yn ffurfiol yn y cyfarfod ddydd Mawrth.

Arbedion

Yn ôl y cyngor, bydd y newidiadau'n dod ag arbedion o dros £6 miliwn, a hynny heb i wasanaethau rheng flaen ddiodde' yn ormodol.

Maen nhw'n dweud y bydd modd canolbwyntio adnoddau ar feysydd sy'n cael blaenoriaeth, newidiadau demograffig, amddiffynfeydd ffyrdd a llifogydd, adnewyddu addysg ac adfywiad.

Dywedodd y Cynghorydd Julian Thompson-Hill, o bwyllgor cyllid y Cabinet: "Mae'r cynnydd o 2.9% yn nhreth cyngor Sir Ddinbych ymhlith yr isa' yng Ngogledd Cymru.

"O'r dechrau un, mae cynghorwyr wedi mynegi teimladau cryfion ynglŷn â chadw treth y cyngor yn isel, a dyna hefyd y mae'r cyhoedd am ei weld.

"Rydym ni'n gwybod y gallai'r sefyllfa yn 2012/13 fod yn dynnach na'r gyllideb rydym ni wedi penderfynu arni a bydd hyn yn golygu y bydd yn rhaid i'r Cyngor barhau i edrych ar arbedion am flynyddoedd i ddod."



HEFYD
Awdurdodau yn wynebu toriadau
23 Tach 10 |  Newyddion
'Diffygion sylweddol' i gynghorau
17 Meh 10 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific