Katherine a Gethin wedi dyweddio

Gofynnodd Gethin iddi ei briodi ar ddiwedd gwyliau ym Mecsico

Mae'r gantores Katherine Jenkins wedi cadarnhau ar ei gwefan ei bod wedi dyweddïo gyda'r cyflwynydd teledu Gethin Jones.

Roedd hi'n ymateb wedi i sibrydion ymddangos mewn rhai papurau newydd dros y penwythnos.

Mewn neges ar y wefan, dywedodd y gantores o Abertawe fod Gethin wedi gofyn iddi ei briodi ar ddiwedd gwyliau ger arfordir Mecsico.

Ychwanegodd nad oedd y ddau wedi pennu dyddiad ar gyfer y briodas hyd yma, ond y byddai'n digwydd rhywdro'r flwyddyn nesaf.

Diolchodd i bawb oedd eisoes wedi gyrru negeseuon i'w llongyfarch.