British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Gwener, 31 Rhagfyr 2010, 18:31 GMT
Hartson a Taylor mewn ras Nos Galan

y rhedwr chwedlonol Guto Nyth Brn
Mae'r ras yn coffu camp y rhedwr chwedlonol Guto Nyth Brn

Y cyn chwaraewr pêl-droed John Hartson a'r cyn chwaraewr rygbi Mark Taylor oedd y gwesteion arbennig ras Nos Galan Guto Nyth Bran yn Aberpennar eleni.

Mae enwau'r gwesteion arbennig yn cael eu cadw'n gyfrinach tan y noson.

Daeth tua 1,000 o redwyr i gystadlu yn y rasys traddodiadol nos Wener.

Roedd y ras pum cilomedr yn dathlu ei phen-blwydd yn 51 oed eleni.

Mae'r rasys wedi cael eu cynnal yng Nghwm Cynon ers 1958 ac mae 'na ras ar gyfer y plant ac ar gyfer oedolion.

Cafodd y ras ei hatgyfodi i goffáu camp y rhedwr chwedlonol Guto Nyth Brân.

Fe ymddeolodd John Hartson o bêl-droed yn Ionawr 2008 ar ôl ennill 51 o gapiau i Gymru.

Cafodd driniaeth am ganser yn 2009.

Sefydlodd elusen y John Hartson Foundation i godi ymwybyddiaeth o ganser y ceilliau, ac fe fydd yn codi arian i'r elusen yn y Ras Nos Galan.

Mark Taylor oedd chwaraewr rygbi gorau Cymru yn y flwyddyn 2000.

Enillodd 53 o gapiau dros ei wlad - gan gynnwys pedair fel capten

Cyn y ras, bydd y ddau yn gosod torch o flodau ar fedd Guto Nyth Brân ym mynwent Llanwynno.



HEFYD
Ras Galan yn dathlu pen-blwydd
01 Ion 09 |  Newyddion
Morgan oedd y 'rhedwr cudd'
01 Ion 08 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific