British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Llun, 20 Rhagfyr 2010, 18:56 GMT
Feirws: Cau ward mewn ysbyty

Ysbyty Treforys
Fe gafodd pum ward eu cau ym mis Mawrth

Mae ward wedi cael ei chau oherwydd achosion feirws.

Mae cleifion ac ymwelwyr wedi eu gwahardd rhag mynd i Ward C yn Ysbyty Treforys oherwydd achosion y salwch stumog, Norofeirws.

Fe gafodd pum ward eu cau ym mis Mawrth.

Dywedodd yr ymddiriedolaeth iechyd fod gan chwech o gleifion symptomau.

Os bydd rhaid cau "nifer fawr" o wardiau, fe fydd rhaid gwahardd ymwelwyr rhag mynd i'r ysbyty, meddai rheolwyr.

Dywedodd y Cyfarwyddwr Nyrsio, Victoria Franklin: "Mae'r feirws wedi amlygu ei hun yn gynt nag arfer ac eisoes rydyn ni wedi gorfod cau wardiau.

"Ar hyn o bryd mae ein hysbytai o dan bwysau mawr oherwydd y tywydd oer ac mae mwy o gleifion brys wedi dod i mewn.

'Yn angenrheidiol'

"Mae cau wardiau'n angenrheidiol ond mae hyn yn golygu nad yw gwelyau'n cael eu defnyddio ... fe allai hyn olygu mwy o oedi."

Y mis hwn effeithiodd y feirws ar 157 o bobol yng Ngwesty Park Plaza yng Nghaerdydd.

Mae'r feirws, sy'n lledu oherwydd cysylltiad â pherson neu wrthrych wedi ei heintio, yn effeithio ar hyd at filiwn o bobl y flwyddyn yn y pedair gwlad.

Golchi'r dwylo yw'r ffordd bwysicaf oll i atal lledu'r feirws.

Mae'r feirws, er mor annymunol yw, fel arfer yn dod i ben mewn hyd at 48 o oriau.

Dylai unrhywun sy'n poeni ffonio meddyg teulu neu Galw Iechyd Cymru ar 0845 4647.



HEFYD
Cau wardiau mewn ysbyty
02 Maw 10 |  Newyddion
Salwch yn effeithio ar ddau ysbyty
31 Rhag 09 |  Newyddion


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific