British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 16 Rhagfyr 2010, 17:30 GMT
Cyngor o blaid cau ysgolion

Protestwyr
Mae gwrthwynebiad chwyrn wedi bod yn erbyn yr argymhellion

Mae cynghorwyr Gwynedd o blaid argymhellion ad-drefnu ysgolion cynradd yn ardal Tywyn yn ne'r sir.

Yng nghyfarfod y cyngor llawn ddydd Iau cymeradwyodd y cynghorwyr yr argymhellion canlynol:

- Cau Ysgol Abergynolwyn erbyn 31 Mawrth 2011;

- Cau ysgolion Bryncrug, Llanegryn a Llwyngwril yn ystod y flwyddyn ysgol 2013-14;

- Cychwyn proses ymgynghoriad i sefydlu ysgol ardal gymunedol fydd yn agor yn ystod blwyddyn ysgol 2013-14 ar safle ar gyrion pentref Llanegryn - yn dibynnu ar yr argymhelliad i gau ysgolion Bryncrug, Llanegryn Llwyngwril ac Abergynolwyn;

- Cau Ysgol Aberdyfi erbyn 31 Awst 2013 pan fydd gwelliannau wedi eu cwblhau yn Ysgol Penybryn, Tywyn.

Fe fydd yr argymhellion yn golygu gwneud newid rhagnodedig i Ysgol Penybryn, Tywyn, drwy ganiatáu i Ysgol Penybryn roi mynediad i ddisgyblion oedran meithrin yn unol â pholisi'r cyngor o Fedi 2011 ymlaen.

£7.9 miliwn

Dywedodd y Cynghorydd Liz Saville Roberts sy'n arwain ar Addysg ar Gyngor Gwynedd: "Fel cyngor, rydym wedi ymrwymo i raglen o fuddsoddi i wella safon addysg plant ...

"Yn ardal Dysynni, rydym wedi bod yn llwyddiannus wrth ddenu grant o £5.5 miliwn gan Lywodraeth y Cynulliad tuag at brosiect £7.9 miliwn yn ardal Tywyn i adeiladu ysgol ardal newydd ac i wella cyfleusterau o fewn tair o ysgolion eraill o fewn y dalgylch.

"Amcan y strategaeth yw sicrhau bod pobl ifanc yr ardal yn derbyn eu haddysg mewn cyfleusterau modern sy'n cynnig pob cyfle iddynt allu cyflawni eu llawn botensial."

Dileu

Fe wnaeth cynlluniau blaenorol y cyngor gael eu dileu ar ôl etholiadau lleol 2007.

Roedd rhieni yn gwrthwynebu'r cynlluniau blaenorol ac fe ymgyrchodd grŵp Llais Gwynedd yn erbyn cau'r ysgolion.

Yn hytrach nag edrych ar y sir gyfan mae'r cyngor yn ystyried ysgolion cynradd fesul ardal.

Y cynlluniau ar gyfer de Gwynedd, ardal Tywyn, ydi'r rhai cyntaf i gael eu hystyried.



HEFYD
Cau ysgolion gam yn nes
08 Hyd 09 |  Newyddion
Argymhelliad: Pump ysgol i gau?
25 Medi 09 |  Newyddion
Gwynedd: Rhestr cau
19 Hyd 07 |  Newyddion
Gwynedd: Gohirio'r ad-drefnu
07 Rhag 07 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific