British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 9 Medi 2010, 09:22 GMT 10:22 UK
Swydd newydd i atal masnachu pobl

Masnachu pobl
Masnachu pobl yw'r trydydd farchnad mwyaf proffidiol i droseddwyr

Bydd Gweinidog Cyfiawnder Cymdeithasol a Llywodraeth Leol Cymru, Carl Sargeant, yn cyhoeddi manylion creu swydd newydd fel cydlynydd cyntaf Cymru i atal masnachu pobl.

Ym mis Mawrth cyhoeddodd Llywodraeth Y Cynulliad strategaeth 'Hawl I Ddiogelwch' oedd yn amlinellu cefnogaeth i'r rhai sy'n diodde oherwydd masnachu pobl.

Bellach, masnachu pobl yw'r farchnad trydydd mwyaf proffidiol i droseddwyr yn y Deyrnas Unedig y tu ôl i gyffuriau ac arfau.

Gan fod masnachu menywod a phlant yng Nghymru yn fasnach gudd ar y cyfan, does dim modd gwybod union faint y broblem, er bod gwybodaeth gyfrin yr heddlu yn awgrymu ei fod yn cynyddu.

'Ffiaidd'

Mewn adroddiad a baratowyd gan Grŵp Gweithredu Aml Bleidiol, nodwyd yr angen am gydlynydd i ddod â gwaith asiantaethau cyhoeddus sy'n ceisio atal y drosedd yma, a chynnig cefnogaeth i ddioddefwyr, at ei gilydd.

Bydd y cydlynydd hefyd yn trefnu hyfforddiant i bobl broffesiynol ar sut i adnabod achosion o fasnachu pobl, a sut i ymyrryd.

"Mae masnachu menywod a phlant i'r diwydiant rhyw yn ymarfer ffiaidd, ond yn aml yn drosedd guddiedig," meddai Mr Sargeant.

"Dyw awdurdodau yn aml ddim yn gallu dirnad maint y broblem, a dyw dioddefwyr ddim yn gwybod lle i gael help.

"Rydw i wedi datgan fy ymrwymiad i daclo pob math o drais yn erbyn merched.

"Dyna pam yr ydwyf yn ariannu'r swydd newydd yma a fydd yn codi ymwybyddiaeth o broblem masnachu pobl, dod â mwy o droseddwyr gerbron y llysoedd ac yn gwella'r ymateb y mae dioddefwyr yn ei gael."



HEFYD
Masnachu i bwrpas rhyw: Rhybudd
25 Mai 10 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific