British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Llun, 6 Medi 2010, 10:05 GMT 11:05 UK
Gwasanaeth Cyw i blant Cymru yn parhau i dyfu

'Cyw' a'i ffrindiau
Cafodd gwasanaeth ar gyfer plant oedran meithrin ei lansio yn 2008

Mae S4C wedi cyhoeddi eu bod am ehangu eu gwasanaeth i blant oed meithrin.

Ar hyn o bryd mae gwasanaeth Cyw, a lansiwyd ym mis Mehefin 2008, i'w weld o ddydd Llun i ddydd Gwener rhwng 7am-1.30pm.

Ond fe fydd, o ddydd Sadwrn Hydref 23, ar gael ar benwythnosau hefyd.

Cafodd y cyhoeddiad ei wneud y tu allan i adeilad y Senedd ym Mae Caerdydd fore Llun.

'Gwreiddiol ac uchelgeisiol'

Yn ôl Cyfarwyddwr Comisiynu S4C, Rhian Gibson: "Mae'r penderfyniad i ehangu gwasanaeth Cyw i'r penwythnosau yn adlewyrchu ymrwymiad clir S4C i ddarparu rhaglenni gwreiddiol ac uchelgeisiol i blant ifanc a'u teuluoedd.

Mae sicrhau gwasanaeth deledu o'r ansawdd gorau i'r grŵp targed hwn yn hollbwysig i gryfhau sefyllfa'r Gymraeg a chodi statws yr iaith
Meirion Prys Jones

Prif Weithredwr Bwrdd Yr Iaith Gymraeg

"Ers i S4C lansio Cyw yn 2008, mae'r gwasanaeth wedi derbyn croeso cynnes iawn gan rieni a phlant yng Nghymru a thu hwnt.

"Mae'r arlwy hefyd yn ffynhonnell addysgiadol i rieni di-Gymraeg, dysgwyr a'r teulu cyfan i'w hysgogi i ddefnyddio'r iaith Gymraeg tu hwnt i furiau'r ysgol.

"Mae S4C yn buddsoddi'n drwm ym maes darlledu plant ac mae safon y rhaglenni yn atgyfnerthu'r enw da sydd gan y Sianel a'r cynhyrchwyr annibynnol sy'n eu cynhyrchu."

'Hollbwysig'

Mae Bwrdd yr Iaith Gymraeg hefyd wedi canmol ymrwymiad S4C i ddarlledu rhaglenni plant.

Dywed Meirion Prys Jones, Prif Weithredwr y Bwrdd: "Rydym yn falch i weld S4C yn ymestyn ei raglenni ar gyfer plant a theuluoedd ifanc.

"Mae sicrhau gwasanaeth deledu o'r ansawdd gorau i'r grŵp targed hwn yn hollbwysig i gryfhau sefyllfa'r Gymraeg a chodi statws yr iaith."

Bydd Clwb Cyw, fydd ar S4C rhwng 07:00 a 09:00 ar foreau Sadwrn a Sul yn teithio i ysgolion a meithrinfeydd.



HEFYD
Llythyr yn amddiffyn S4C
26 Awst 10 |  Newyddion
Cyfarfod S4C: 'Di-flewyn ar dafod'
23 Awst 10 |  Newyddion
Mwy o dwf ar ôl geni Cyw
31 Gorff 09 |  Newyddion
Cyw yn cael ei eni ar S4C
23 Meh 08 |  Newyddion
Darlledu: 'Angen cystadleuaeth'
21 Ion 09 |  Newyddion
S4C: Her yr oes ddigidol
15 Hyd 08 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific