British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Sadwrn, 28 Awst 2010, 16:26 GMT 17:26 UK
Arena rhew newydd i Gaerdydd

Planet Ice
Argraff artist o arena rhew newydd Caerdydd

Mae Cyngor Caerdydd wedi penodi cwmni hamdden Planet Ice fel yr un fydd yn codi llawr sglefrio newydd i bentref chwaraeon rhyngwladol y ddinas.

Bydd y gwaith yn dechrau y flwyddyn nesa os daw caniatád cynllunio, gyda'r arena rhew newydd ar agor erbyn Chwefror 2012.

Planet Ice - sydd eisoes yn berchen arena rhew ym Mae Caerdydd - fydd yn gyfrifol am redeg yr arena newydd yn ogystal a chynllunio ac adeiladu'r ganolfan.

Bu'n rhaid dymchwel hen lawr sglefrio Caerdydd yng nghanol y ddinas fel rhan o ddatblygiad canolfan siopa Dewi Sant.

Dywedodd Cyngor Caerdydd fod yr awdurdod wedi cytuno i weithio mewn partneriaeth gyda Planet Ice a thîm hoci iâ Devils Caerdydd i sicrhau y bydd y cynllun yn llwyddo.

Yn ôl arweinydd y cyngor, Rodney Berman, bydd yn gam mawr ymlaen.

"Bydd y ganolfan yn ychwanegiad syfrdanol arall i'r adnoddau chwaraeon o safon byd eang y gall Caerdydd eu cynnig, ac yn rhan arall o'r jigsó wrth ddatblygu pentref chwaraeon rhyngwladol Caerdydd," meddai.

"Yn wreiddiol, roedd llawr sglefrio i fod yn rhan o gynllun ehangach am arena aml-bwrpas, ond pan ddaeth hi'n amlwg y byddai cymeryd mwy o amser i greu'r adnodd yn y ffordd yna, fe benderfynnon ni fwrw mlaen gyda'r arena rhew yn unig.

Bydd y gwaith o ddatblygu cynllun i'r arena rhew newydd yn dechrau ddiwedd mis Medi.



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific