British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 26 Awst 2010, 07:55 GMT 08:55 UK
Hwb £1m i Sain Ffagan: Amgueddfa Werin Cymru

Adeiladau to gwellt yn Amgueddfa Werin Cymru
Mae'r adeiladau hynafol yn denu miloedd o ymwelwyr bob blwyddyn

Fe fydd £1 miliwn yn ychwanegol yn cael ei wario er mwyn adnewyddu Sain Ffagan: Amgueddfa Werin Cymru ger Caerdydd.

Mae poblogrwydd yr amgueddfa yn ystod y blynyddoedd diwethaf wedi rhoi straen ar yr adeiladau yno.

Ymhlith y gwaith cynnal a chadw a moderneiddio'r safle y mae gwella'r cyflenwad trydan a dŵr.

Dywedodd y Gweinidog Treftadaeth Cymru, Alun Ffred Jones, bod yr arian "yn hanfodol" i gynnal statws "eiconig" Sain Ffagan.

Sain Ffagan yw atyniad twristiaeth mwya poblogaidd Cymru ac mae'n denu dros 600,000 o ymwelwyr bob blwyddyn.

Yn ddiweddar roedd yr amgueddfa yn un o'r 10 safle di-dâl gorau ledled y DU gan ddefnyddwyr gwefan Trip Advisor.

Gwella delwedd

Dywedodd Mr Jones eu bod fel llywodraeth yn awyddus i sicrhau bod Sain Ffagan yn parhau i fod yn ganolog i fywyd diwylliannol Cymru fel y prif atyniad di-dâl i dwristiaid yng Nghymru.

"Mae'n hanfodol bod y sefydliad cenedlaethol sydd mor agos at ein calon yn cael ei wella er mwyn cyflwyno delwedd fodern, hyderus ac amrywiol o Gymru i ymwelwyr."

Ymwelwyr yn Sain Ffagan
Mae mynediad am ddim i'r amgueddfa wedi rhoi hwb i nifer yr ymwelwyr

Cafodd yr amgueddfa ei hagor ar Orffennaf 1 1948.

Mae'r safle 100 erw yn gartref i dros 40 o adeiladau o bob rhan o Gymru a gafodd ei symud yno fricsen wrth fricsen.

Yn gynharach eleni llwyddodd yr amgueddfa yn y cam cyntaf yn eu cais ar gyfer grant loteri o £8.7 miliwn.

Fe wnaeth yr amgueddfa ymgeisio am yr arian gan Cronfa Dreftadaeth y Loteri fel rhan o gynlluniau gwerth £20.75 miliwn i ailddatblygu'r safle.

Mae'r gronfa wedi rhoi sêl ei bendith i fwrw ymlaen â'r gwaith o gynllunio gwelliannau, gan roi £450,000 o gyllid datblygu er mwyn helpu i symud y prosiect yn ei flaen.



HEFYD
Arddangosfa o fywyd yr Urdd
07 Mai 09 |  Newyddion
Y 'wyrth' o ailgodi eglwys
13 Hyd 07 |  Newyddion
Mwy'n ymweld a'n hamgueddfeydd
06 Mai 08 |  Newyddion
Datgelu hen ardd Eidalaidd
29 Mai 03 |  Newyddion
Lluniau: Gardd Eidalaidd Sain Ffagan
29 Mai 03 |  photo galleries

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific