Archesgob yn cael rhyddfraint dinas

Yn wreiddiol o Abertawe, Dr Williams ydy'r Cymro cyntaf i fod yn Archesgob Caergaint

Mae Archesgob Caergaint wedi ymuno â chlwb arbennig sy'n cynnwys pêl-droediwr rhyngwladol a chyn arlywydd yr Unol Daleithiau.

Mewn seremoni yn y Abertawe ddydd Sadwrn fe wnaeth Dr Rowan Williams dderbyn rhyddfraint y ddinas.

Rhoddwyd yr un anrhydedd i' r pêl-droediwr John Charles a chyn arlywydd yr Unol Daleithiau Jimmy Carter.

Roedd y seremoni yn Neuadd y Ddinas gyda gwasanaeth yn Eglwys Santes Fair.

Dywedodd llefarydd ar ran cyngor Abertawe eu bod yn gwneud hyn er mwyn nodi pen-blwydd yr Archesgob yn 60 oed ac i ddiolch iddo am ei gefnogaeth i'r ddinas.

Yn wreiddiol o Abertawe, Dr Williams ydy'r Cymro cyntaf i fod yn Archesgob Caergaint ers dros 1,000 o flynyddoedd.

Mewn datganiad, dywedodd y cyngor bod gan Dr Williams "gysylltiad hir ag Abertawe" a'i fod "yn parhau yn gefnogwr cryf o'r ardal".