British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 1 Gorffennaf 2010, 12:27 GMT 13:27 UK
Canslo Gŵyl y Garreg Las

Gŵyl Geltaidd y Garreg Las 2008
Mae'r ŵyl wedi ei chynnal ar dir yn Llanfyrnach ers 2004

Mae trefnwyr gŵyl gerddorol yn Sir Benfro wedi canslo'r digwyddiad eleni.

Roedd Cyngor Sir Penfro wedi diddymu trwydded Gŵyl Geltaidd y Garreg Las a'i atal rhag cael ei gynnal ger Llanfyrnach rhwng Awst 6 a 8.

Dywedodd y cyngor ei bod wedi tyfu o ŵyl gymunedol yn 2004 i "ddigwyddiad sylweddol" ar gyfer hyd at 10,000 o bobl.

Dywedodd y trefnwyr eu bod wedi penderfynu canslo'r digwyddiad eleni "gyda thristwch" ond eu bod yn bwriadu cynnal gŵyl y flwyddyn nesaf.

Roedd disgwyl i'r bandiau The Beat a Goldie Lookin' Chain berfformio yno eleni.

Mewn datganiad dywedodd pwyllgor gwirfoddol y digwyddiad bod y penderfyniad i ganslo wedi bod "yn un anodd" a'i bod wedi ystyried yn ddwys cyn gwneud cyhoeddiad.

'Marchnata'

Dywedodd y pwyllgor eu bod wedi bwriadu apelio yn erbyn penderfyniad y cyngor i ddiddymu'r drwydded gan fynnu eu bod yn cynnal yr ŵyl yn llwyddiannus a bod 'na adnoddau sylweddol yno.

"Yn anffodus, roedd y dyddiadau ar gyfer y gwrandawiad apêl yn rhy agos at ddyddiad yr ŵyl ac felly ychydig o amser fyddai yno i drefnu a marchnata'r ŵyl," meddai llefarydd.

"Mae 'na le i'r digwyddiad yng nghalendr haf nifer o bobl Sir Benfro a'r siroedd cyfagos ac felly mae'n edifar ganddo ni ein bod yn gorfod canslo am y flwyddyn."

Dywedodd y bydd y rhai sydd eisoes wedi prynu tocynnau yn cael dau docyn ar gyfer y digwyddiad y flwyddyn nesaf.

"Blwyddyn i ffwrdd yn unig yw hyn," meddai.

"Fe fyddwn yn ôl y flwyddyn nesaf, a thrwy'r 12 mis nesaf fe fyddwn yn gweithio a chynllunio ar gyfer y digwyddiad y flwyddyn nesaf a fydd yn fwy ac yn well nag y bu yn y gorffennol."

Roedd gan Gyngor Sir Penfro bryderon am gyhoeddi trwydded i'r pwyllgor gan ddweud bod cynghorwyr yn poeni am allu rheoli'r ŵyl wrth iddi dyfu.



HEFYD
Brwydr yn y llys i gynnal gwyl
05 Meh 10 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific