British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 19 Mai 2010, 19:38 GMT 20:38 UK
Teyrnged i 'arloeswr teledu'

Peter Elias Jones
Peter Elias Jones: 'Arloeswr teledu'

Bu farw Cynreolwr Adloniant HTV Cymru, Peter Elias Jones, yn 66 oed.

Roedd yn gyfrifol am raglenni fel Miri Mawr, Ffalabalam, Ibiza Ibiza a Jacpot.

Yn wreiddiol o Langefni, mae'n gadael gwraig a dwy ferch.

Aeth i Brifysgol Leeds lle astudiodd Saesneg a Cherddoriaeth cyn cael gwaith yn ITV. Fe ar un adeg oedd cyfarwyddwr ifanca y rhwydwaith.

Wedyn fe ddaeth yn Bennaeth Rhaglenni Plant HTV Cymru a rheolwr cyn gweithio fel cynhyrchydd annibynnol.

Dywedodd Dafydd Hywel, fu'n actio Caleb yn y gyfres Miri Mawr, fod Peter yn "arloeswr".

"Arwydd o lwyddiant a doniolwch Miri Mawr oedd y ffaith ein bod ni'n gorfod rhoi stop ar y ffilmio'n gyson gan bod y dynion camera'n wherthin.

'Calon'

"Syniad Pete oedd y gyfres ac roedd yn gyfnod hapus iawn ac roedd clywed y newyddion trist iawn nos Fawrth yn dipyn o sioc.

"Fyddai Pete byth yn 'y ngalw i'n Dafydd na DH ar y set - Caleb fyddwn i drwy'r amser.

"Roedd yn gyfnod difyr, doniol, newydd oedd yn lot fawr o hwyl.

HTV
Bu'n Rheolwr Adloniant HTV Cymru

"Peter, heb os, oedd calon y gyfres."

Dywedodd y cyflwynydd a chynhyrchydd teledu Iestyn Garlick: "Roedd Pete yn arloeswr - yn barod i fentro.

"Mae'r syniad o wneud rhaglen fel Miri Mawr yn gwbl chwerthinllyd os dach chi'n meddwl amdano ond mi wnaeth y rhaglen yn gwlt.

"Roedd Caleb yn cael ei fobio mewn eisteddfodau yn y saithdegau.

"Mi wnaeth Pete fraenaru'r tir i bob math o bethau."




Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific