British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 25 Mawrth 2010, 08:43 GMT
£1m ychwanegol i daclo trais yn y cartref

Actor yn portreadu merch yn diodde trais yn y cartref
Y bwriad yw i daclo trais yn erbyn merched

Fe fydd £1 miliwn ychwanegol ar gael i daclo pob math o drais yn erbyn merched yng Nghymru.

Mae'n strategaeth newydd gan Lywodraeth y Cynulliad.

Dywedodd y Gweinidog Cyfiawnder, Carl Sargeant, bod cyfanswm o £4.4 miliwn yn mynd i gael ei wario eleni i dargedu trais, o ymosodiadau rhywiol i drais yn y cartref.

Fe fydd y strategaeth hefyd yn codi ymwybyddiaeth am drais yn erbyn dynion.

Bob blwyddyn mae 20% o ferched Cymru a Lloegr yn diodde trais yn y cartref.

Mae tua 2,000 o ferched Cymru a Lloegr yn cael eu treisio bob wythnos.

Hawl merched

Dywedodd elusen Cymorth i Ferched Cymru bod y strategaeth yma yn "gam ymlaen".

Mae Llywodraeth y Cynulliad yn bwriadu gweithio gyda llywodraethau lleol, asiantaethau cyfiawnder ac ar rai materion, Llywodraeth San Steffan, i wella'r ymateb y mae dioddefwyr trais yng Nghymru yn ei gael.

"Mae trais yn erbyn merched yn drosedd yn erbyn hawliau merched..." meddai Mr Sargeant.

"Mae angen taclo'r anghysondeb yma rhwng dynion a merched.

"Rydym wedi symud ymlaen eisoes ond mae angen gwneud llawer mwy a drwy gyd-weithio byddwn yn sicrhau bod merched a'u plant yn ddiogel."

Ymhlith y targedau y mae hyfforddiant cenedlaethol i sicrhau bod pobl yn gwybod sut i ddelio gydag effaith trais yn erbyn merched ac effaith posib ar blant.

"Rydym yn croesawu addewid y llywodraeth a'u bod yn cydnabod bod angen canllawiau cryfach i awdurdodau lleol i ddiogelu gwasanaethau i ferched yn unig," meddai Paula Hardy, Prif Weithredwr Cymorth i Ferched Cymru.

Mae'r strategaeth hefyd yn codi ymwybyddiaeth am drais yn erbyn dynion yn seiliedig ar Cynllun Dyn yng Nghaerdydd.

"Rydym yn falch bod y gwaith sydd wedi ei wneud a'i ddatblygu dros y pum mlynedd diwethaf yn cael ei gydnabod ac yn mynd i gael ei ehangu," meddai Matthew Bailey, cydlynydd y prosiect.



HEFYD
Mwy o drais yn erbyn dynion
04 Chwef 10 |  Newyddion
Strategaeth trais yn 'annigonol'
01 Chwef 10 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific