Eglwys am agor canolfan bowlio deg

Y bwriad yw agor canolfan bowlio deg a chynnal gwasanaethau crefyddol

Mae eglwys yn bwriadu agor canolfan bowlio deg mewn hen hufenfa er mwyn creu swyddi yn Sir Gaerfyrddin.

Bydd rhan arall o hen ffatri gaws yn Nhre Ioan, ger Caerfyrddin, hefyd yn cael ei ddefnyddio fel addoldy i aelodau o eglwys gymunedol Towi.

Nod yr eglwys yw llogi y safle 2.7 acr oddi wrth Cyngor Sir Caerfyrddin gan greu hyd at 20 o swyddi.

Yn ôl y Gweinidog Mark Bennett mae angen i eglwysi ymwneud a'r gymuned leol.

"Mae'n rhaid i eglwysi newid.

Safle ailgylchu

"Mae'n golygu cadw ein hegwyddorion ond cyfathrebu'n well gyda chymunedau yn y ganrif hon."

Bwriad arall yr eglwys yw sefydlu canolfan ailgylchu dodrefn fyddai'n cyflenwi teuluoedd llai breintiedig, a chaffi gyda lle ar gyfer hyd at 50.

Mae son hefyd am ganolfan cynadledda fyddai hefyd yn darparu ar gyfer pobl ifanc.

Gwnaed cais am £800,000 o Gronfa Loteri Fawr.

Y nod yw agor y ganolfan newydd rhywbryd rhwng gwanwyn a hydref 2011.

"Y gobaith yw yw y bydd y ganolfan bowlio yn creu swyddi ag incwm, ac y gallwn ni fuddsoddi'r arian yn ôl yny gymuned.

Dywedodd y cynghorydd Clive Scourfield, sydd â chyfrifoldeb am adfywio cymunedau ar Fwrdd y cyngor sir, fod y fenter yn un dewr.

"Mae'r awdurdod helpu'r eglwys wrth iddynt geisio grantiau gan wahanol gyrff cyhoeddus."