British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 28 Ionawr 2010, 11:00 GMT
Cannoedd o swyddi awdurdodau lleol yn y fantol

Gweithiwr cyngor
Dywed arweinwyr bod rhaid gwneud toriadau

Mae 'na fygythiad i gannoedd o swyddi yn awdurdodau lleol Cymru.

Cafodd staff Cyngor Casnewydd lythyrau yn egluro y byddai diswyddiadau posib ac y byddai dyfodol hyd at 300 o swyddi yno yn y fantol.

Mae'r cyngor yn ceisio arbed £9 miliwn y flwyddyn nesa.

Yn ôl yr arweinydd, Matthew Evans, mae'r awdurdod yn ymateb i gyfyngiadau ariannol.

Dywedodd fod rhaid i'r cyngor ystyried pob opsiwn oherwydd maint yr arian sydd angen ei arbed.

"Rydyn ni'n gobeithio y bydd toriadau'n deillio o swyddi gwag, adleoli neu ail-hyfforddi."

Bygythiad pellach

Mae arweinydd Cyngor Abertawe wedi dweud wrth bapur newydd lleol y bydd yr awdurdod yn wynebu cyflwyno diswyddiadau gorfodol.

Dywedodd Chris Holley y byddai rhaid i'r cyngor adolygu cynlluniau i gwtogi 500 o staff.

Mae 'na fygythiad, meddai, i gannoedd mwy o swyddi.

Yn ôl adroddiad yn y Western Mail, mae 'na fygythiad i 10,000 o swyddi awdurdod lleol dros y pedair blynedd nesaf.

Maen nhw wedi seilio'r cyfanswm ar ar ystadegau Llywodraeth San Steffan.

700 o swyddi

Ym mis Mawrth 2009 fe rybuddiodd Cymdeithas Llywodraeth Leol Cymru y gallai 700 o swyddi llywodraeth leol yng Nghymru ddiflannu erbyn diwedd 2009 - a hyd at 2,000 erbyn 2011.

Ym mis Chwefror 2009 dywedodd Andrew Davies, y Gweinidog Cyllid ar y pryd, wrth raglen Dragon's Eye fod gwasanaethau cyhoeddus Cymru yn wynebu £500 miliwn o doriadau yn 2010.

Rhybuddiodd y byddai hyn yn effeithio ar iechyd, addysg a gwariant llywodraeth leol.



HEFYD
Diffyg: Cyngor i golli swyddi
10 Tach 09 |  Newyddion
Cyngor: Diswyddo 'ddim yn anochel'
12 Gorff 09 |  Newyddion
Angen buddsoddi mewn gwasanaethau
13 Chwef 09 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific